Ikipe ya Real Madrid yatangaje myugariro wakinaga muri Chelsea, Marc Cucurella nk’umukinnyi wayo kugeza mu 2032.
Ni inkuru yatangajwe ku manywa yo kuri uyu wa mbere, tariki ya 15 Kamena 2026.
Iyi kipe y’ikigugu ku Isi mu mupira w’amaguru, yatangaje ko Marc Cucurella ukina ibumoso mu bwugarizi, ari umukinnyi wayo mu myaka itandatu iri imbere.
Uyu munya-Espagne wakiniraga Chelsea yo mu Bwongereza, bivugwa ko yatanzweho Miliyoni 55 z’Amapawundi ashobora kuziyongeraho izindi eshanu bitewe n’uko azitwara.
Cucurella w’imyaka 27, ubwo yari akiri mu makipe y’abato, yakiniye Espagnol na FC Barcelona.
Ubwo yari atangiye gukina mu makipe yigiye hejuru, Marc yakiniye amakipe arimo FC Barcelona, Getafe, Eibar, Brighton & Hove Albion na Chelsea zombi zo mu Bwongereza.
Ni umukinnyi kandi wakiniye amakipe y’Igihugu ya Espagne yose uhereye mu bakiri kugeza ku nkuru ari kumwe nayo ubu mu Gikombe cy’Isi kiri kubera muri Leta Zunze Ubumwe za Amerika, Canada na Mexique.
UMUSEKE.RW
