Ikipe y’Igihugu y’u Rwanda ya Volleyball y’abagabo, yatsinze iya Repubulika ya Kidemokarasi ya Congo [RDC] amaseti 3-1 mu mukino wa kabiri w’amatsinda mu Gikombe cya Afurika 2026 kiri kubera muri Tunisia.
Ni umukino wabaye kuri iki gicamunsi cyo kuri uyu wa Gatatu, tariki ya 16 Nzeri 2026. U Rwanda rwatangiye neza rutsinda iseti ya mbere ku manota 25-22, RDC igaruka ku ya kabiri iyitsinda ku manota 25-21.
Abanyarwanda bagarukanye imbaraga nyinshi ku seti ya gatatu, bayitsinda ku manota 25-21 ndetse runegukana intsinzi ku ya gatatu n’amanota 25-20. Yahise iba intsinzi ya kabiri u Rwanda rwegukanye nyuma yo gutsinda Centrafrique amaseti 3-0.
Ikipe y’Igihugu y’u Rwanda izagaruka mu kibuga ikina na Cameroun, kuwa kane, tariki ya 17 Nzeri 2026 mu mukino usoza iyo mu itsinda D.
UMUSEKE.RW
