Umukuru w’Igihugu cy’u Rwanda, Paul Kagame abicishije kuri Minisitiri wa Siporo, Munyangaju Aurore Mimosa, yashimiye abakunzi ba Rayon Sports nyuma yo kumwifuriza isabukuru nziza ubwo yuzuzaga imyaka 65.
Ku Cyumweru tariki 23 Ukwakira 2022, nibwo Perezida Paul Kagame yuzuzaga imyaka 65. Kuri uyu munsi abakunzi ba Rayon Sports bamwifurije isabukuru nziza biciye mu mukino iyi kipe yatsinzemo Espoir FC ibitego 3-0.
Nyuma yo kumutungura bakamwifuriza isabukuru nziza, Umukuru w’Igihugu yashimiye abakunzi b’iyi kipe abicishije kuri Minisitiri Munyangaju Aurore Mimosa.
Uyu Minisitiri abicishije ku rukuta rwe rwa Twitter, yavuze ko afitiye aba-Rayons ubutumwa bwa Perezida Paul Kagame.
Ati “Kuri Gikundiro: Aba-Rayon Sports, mu izina rya Perezida wa Répubulika Paul Kagame, yantumye kubwira Aba-Rayon mwese ko abashimira byimazeyo ku bw’ubutumwa bwo kumwifuriza isabukuru nziza y’imyaka 65 y’amavuko.”
📌Kuri Gikundiro: Aba @rayon_sports Mu izina rya Nyakubahwa Perezida wa Repubulika @PaulKagame. Yantumye kubwira aba Rayon mwese ko abashimira byimazeyo kubw'ubutumwa bwo kumwifuriza isabukuru nziza y'imyaka 65 y'amavuko.@FERWAFA https://t.co/30FKxUGseP pic.twitter.com/dKMtHYuIxr
— Aurore Mimosa Munyangaju (@AuroreMimosa) October 24, 2022
Abakunzi ba Rayon Sports mu mukino ikipe yabo yatsinze ku Cyumweru tariki 23 Ukwakira 2022, ubwo umukino wari ugeze ku munota wa 65 bose bararirimbye bavuka bati ‘Muzehe wacu… Muzehe wacu…’, mu kugaragaza ko bishimiye kuba Umukuru w’Igihugu yujuje imyaka 65.
- Advertisement -
Uretse kuba abakunzi ba Rayon Sports bashimiwe n’Umukuru w’Igihugu, yanashimiye Abanyarwanda bose bamwifurije isabukuru nziza y’amavuko.
Let me take this moment to say thank you very much to all that sent in the hearty Wishes for my BD.
My life thus far been full to the brim!! I have succeeded because of/with you. Where I failed it has been bcz of me alone. I can't complain!!! Many Blessings to you All !!!
— Paul Kagame (@PaulKagame) October 24, 2022
UMUSEKE.RW
