Nyuma yo gusezererwa na Norvège muri 1/8 cy’Igikombe cy’Isi 2026 ari kumwe n’ikipe ye y’Igihugu, Neymar da Silva Santos Júnior, yahise asezera mu kipe y’Igihugu.
Uyu mukinnyi w’imyaka 34, yasoje iki Gikombe cy’Isi 2026 atsinze igitego kimwe yatsinze kuri penaliti yabonetse mu mukino batsinzwemo na Norvège ibitego 2-1.
Neymar wagowe n’imvune muri uyu mwaka w’imikino, yavuze ko ari wo mukino we wa nyuma yakinnye mu kipe y’Igihugu.
Yagize ati “Naragerageje, naragerageje. Natangiriye aha (MetLife Stadium), nsoreje aha.”
Uyu mukinnyi ubwo yakinaga umukino we wa mbere mu kipe y’Igihugu ya Brésil, hari mu 2010 ubwo Igihugu cye cyakinaga na Leta Zunze Ubumwe za Amerika kuri Stade yasorejeho urugendo rwe mu kipe y’Igihugu.
Ubwo yatangiraga nk’uwabigize umwuga, Neymar yatangiriye iwabo muri Santos, ahava ajya muri FC Barcelona, ajya muri PSG yo mu Bufaransa, ahava ajya muri Al Hilal yo muri Arabie Saoudité ayivamo agaruka iwabo muri Santos y’iwabo.
UMUSEKE.RW
