Nyuma yo gukuramo umwenda w’ikipe akawukubita hasi, Nasser Mansi Desouky El-Sayed watsindiye igitego Zamalek SC ubwo yakinaga na APR FC i Kigali mu mukino ubanza w’ijonjora rya kabiri rya CAF Champions League, yahagaritswe n’ikipe ye gukorana imyitozo na bagenzi be.
Ni icyemezo cyafashwe n’uyobozi bw’iyi kipe nyuma yo kutishimira uburyo uyu mukinnyi yakuyemo umwambaro w’ikipe akawukubita hasi kubera kwishimira igitego yari atsinze mu minota ya nyuma.
Ubuyobozi bwa Zamalek SC, bwatangiye gukora iperereza ku cyaba cyaratumye Nasser akuramo umwambaro akawukubita hasi.
Iyi kipe iri kwitegura umukino kwishyura uzayihuza n’ikipe y’Ingabo ku wa 24 Ukwakira 2026 i Cairo mu Misiri. Ikipe izasezerera indi hagati y’izi, izahita ikatisha itike yo kujya mu matsinda ya CAF Champions League.
UMUSEKE.RW
