Nyuma yo kugera i Bamako muri Mali, ikipe y’Igihugu y’u Rwanda, Amavubi, yakoreye imyitozo yoroheje muri Pisine.
Ni imyitozo yakozwe kuri uyu gatatu n’abakinnyi bose uko ari 24 bajyanye n’ikipe y’Igihugu. Abahagurutse mu Rwanda, biyongereyeho abarimo Bizimana Djihad, Kavita, Biramahire Abeddy, Joy-Lance Mickels na Kwizera Jojea bahuriye i Bamako.
Biteganyijwe ko nyuma yo gukora imyitozo yoroheje muri Pisine, Saa Kumi za Bamako, Amavubi aza gukora indi myitozo ibanziriza iya nyuma izakorwa ejo kuri Stade du 26 Mars bazakiniraho na Mali umukino wa gatatu mu itsinda K mu gushaka itike y’Igikombe cya Afurika 2027.
U Rwanda ruyoboye iri tsinda n’amanota atandatu runganya na Mali ya kabiri, mu gihe Cap-Vert na Liberia nta nota zirabona. Amavubi azakina na Mali ku wa 13 Ugushyingo 2026.
UMUSEKE.RW
