Ubuyobozi bukuru bw’ingabo za America muri Aziya, (CENTCOM) bwemeje ko hagabwe ibitero bikomeye kuri Iran mu rwego rwo kwihimura ku gitero Iran yagabye bitunguranye igamije kurasa ku ngabo za America.
Ni igitero cyabaye ku isaha ya saa yine z’ijoro (10h00) ku ya 29 Nyakanga, 2026.
CENTCOM ivuga ko ingabo za Amerika zagabye ibitero ahantu hatandukanye kuri Iran mu rwego rwo gusubiza ibitero bya misile, icyo gihugu cyagabye ku ngabo za Amerika ku wa Kabiri.
Ibitero byibasiye ibiro bikuru by’ingabo zishinzwe kurita impinduramatwara ya kisilamu muri Iran (Islamic Revolutionary Guard Corps, IRGC), ibigo bitangirwamo amabwiriza ya gisirikare, ububiko bw’ibitwaro bya misile na drones, ahantu hagenzura inyanja n’inkombe z’amazi.
CENTCOM ivuga ko ibi bitero byari bigamije kugabanya ikibazo Iran n’imitwe iyishyigikiye biteye ku ngabo za America, ku mato y’ubucuruzi, no ku ibihugu bituranye mu kigobe cya Perse.
Ku ya 28 Nyakanga, ingabo za IRGC zagabye igitero gitunguranye cya misile ku ngabo za Amerika ziri mu Burasirazuba bwo Hagati.
CENTCOM ivuga ko ibisasu byose bya Iran byafashwe neza.
Yavuze ko abasirikare ba Amerika barenga 50,000 boherejwe mu Burasirazuba bwo Hagati, kandi bari maso cyane.
Iran yasubije ibi bitero mu kanya kakurikiyeho, irasa ku birindiro by’ingabo za America ziri muri Jordan ariko iki gihugu cyavuze ko misile 5 zoherejwe zasandarijwe mu kirere zitageze ku ntego yazo.
UMUSEKE.RW
