Ubuyobozi bwa Gorilla FC, bwatangaje ko iyi kipe yasinyishije umunyezamu, Cuzuzo Aime Gaël wakiniraga Gasogi United.
Ni amakuru yatangajwe ku wa 20 Nyakanga 2026, iyi kipe ibicishije ku rukuta rwayo rwa X.
Gorilla FC yamaze gutandukana n’abahoze ari abanyezamu bayo babiri, yatangaje ko Cuzuzo Aime Gaël ari umunyezamu wayo mushya.
Iyi kipe yatangaje ko Cuzuzo yasinye amasezerano y’imyaka ibiri. Uretse we kandi, yanasinyishije Himbazwa Jean Rène amasezerano y’imyaka ibiri.
Gorilla FC yamaze gutangira imyitozo yitegura umwaka w’imikino 2026-27, inafite abatoza bashya babiri barimo Umwungeri Patrick wungirije Kirasa Alain na Mazimpaka André utoza abanyezamu.
UMUSEKE.RW
