Amakipe y’Igihugu y’u Rwanda y’Ingimbi ya Handball ari mu mikino y’Akarere ka Gatanu mu gihugu cya Éthiopie, yatsinze ingimbi za Djibouti, ahita akatisha itike ya ½ cy’iri rushanwa.
Mu irushanwa IHF Trophy/Zone V riri kubera i Addis Ababa muri Éthiopie, amakipe abiri y’ingimbi y’u Rwanda yageze muri ½ nyuma y’imikino yabaye kuwa Kabiri, tariki ya 5 Gicurasi 2026.
Mu batarengeje imyaka 20, u Rwanda rwatsinze ibitego 42-18 mu gihe mu batarengeje imyaka 18, Djibouti yatewe mpaga y’ibitego 10-0 kuko itageze ku kibuga.
Igice cya mbere cy’abatarengeje imyaka 20, cyarangiye u Rwanda rwatsinze ibitego 24-8, mu gihe umukino wose waje kurangira runegukanye.
Kuri uyu wa Gatatu harakinwa imikino isoza amatsinda mu mikino kandi yo gufasha amakipe kurwanira kuyobora itsinda.
Mu batarengeje imyaka 20, u Rwanda rurahatana na Éthiopie nyuma y’uko amakipe yombi yatsinze imikino ibiri, mu gihe mu batarengeje imyaka 18, u Rwanda ruza kuba rukina na Kenya nayo yatsinze imikino yayo ibiri.
Ni imikino iza gukinwa Saa Munani z’igicamunsi za Kigali.
UMUSEKE.RW
