Impuzamashyirahamwe y’Umupira w’Amaguru ku Mugabane wa Afurika [CAF] n’Impuzamashyirahamwe y’Umupira w’Amaguru ku Mugabane w’i Burayi [UEFA], byasinyanye amasezerano y’imikoranire azafasha mu Iterambere ry’Umupira wa Afurika.
Ni amasezerano yasinyiwe i Vancouver muri Canada nyuma y’Inama ya 76 yahuje Ibihugu by’ibinyamuryango by’Ishyirahamwe ry’Umupira w’Amaguru ku Isi, FIFA.
Aya masezerano yashyizweho umukono na Dr Patrice Motsepe uyobora CAF na Aleksander Čeferin uyobora UEFA, akubiyemo ibikorwa bizibanda ku Iterambere ry’Umupira w’Umugabane wa Afurika.
Mu byo UEFA izafasha Afurika, harimo kongerera ubumenyi abatoza b’Abanya-Afurika, kuzamura urwego rw’imisifurire, kuzamura ireme ry’umupira w’abato ndetse no guteza imbere ruhago y’Abagore.
UMUSEKE.RW
