Al-Hilal SC yo muri Sudani, yegukanye igikombe Shampiyona y’u Rwanda [BK Pro League] 2025-26, nyuma yo gutsinda Gasogi United ibitego 2-1 mu mukino w’umunsi wa 33 w’iyi Shampiyona.
Uyu mukino wabaye ku wa Gatatu, tariki ya 13 Gicurasi 2026 kuri Kigali Pelé Stadium Saa Cyenda z’igicamunsi.
Al-Hilal SC ibifashijwemo na Kamaradini na Walieldin, yatsinze Gasogi United ibitego 2-1 cyatsinzwe na Ngono, aba banya-Sudani bahita buzuza amanota 73 mu mikino 31.
Iyi kipe yahise inashyikirizwa Igikombe cy’uwegukanye Shampiyona y’u Rwanda ariko kiswe icy’icyubahiro [Honorary Trophy] n’imidari.
Ibijyanye n’ibihembo biherekeza iyabaye iya mbere, ntabwo iyi kipe yahawe kubera ko ari inshitsi nk’uko byemerenyijwe ubwo aya makipe yazaga gukina Shampiyona y’u Rwanda.
Al-Hilal SC yahise yerekeza iwabo gusoza imikino ya kamarampaka itanga ikipe zihagararira Sudani mu mikino Nyafurika ya CAF Champions League na CAF Confederation Cup.
UMUSEKE.RW
