Umunya-Argentine, Javier Mascherano watozaga Inter Miami CF ikinamo Lionel Messi, yatandukanye nayo ku mpamvu yise ze bwite.
Mascherano yahesheje iyi kipe Igikombe cya Shampiyona ya Leta Zunze Ubumwe za Amerika [MLS] n’icy’Igihugu [MSL Cup].
Ni inkuru yemejwe n’ikipe ya Inter Miami ku wa Kabiri, tariki ya 14 Mata 2026. Iyi kipe yagize iti “Javier Mascherano yahisemo gushyira ku iherezo kutubera umutoza mukuru. Uyu mutsinzi n’abungiriza be, bazahora mu muryango wa Inter Miami CF.”
“Umuryango uzahora uzirikana iyi nyenyeri yacu ya mbere”
Uyu munya-Argentine yahesheje iyi kipe igikombe cyayo cya Shampiyona muri Leta Zunze Ubumwe za Amerika [MLS] ndetse n’icy’Igihugu [MLS Cup].
Ni umutoza kandi wakoze amateka muri iyi kipe yo gutsinda ibitego 101 mu mwaka w’imikino 2024-25.
Javier Mascherano ubwo yinjiraga mu mwuga wo gutoza, yatoje amakipe y’Igihugu y’abato ya Argentine [U20 na U23] mbere y’uko afata Inter Miami CF mu 2024.
Uyu mutoza w’imyaka 41, yakiniye amakipe arimo FC Barcelona, West Ham United, Liverpool, River Plate n’izindi.
UMUSEKE.RW
