Nyuma yo kwifashisha abakinnyi batanu b’abanyamahanga ku mukino wa Shampiyona y’Icyiciro cya Kabiri wayihuje na TonyRW FC, Kamonyi FC yatewe mpaga.
Ku wa 24 Ukwakira 2026, ni bwo hatangiye Shampiyona y’Icyiciro cya Kabiri y’umwaka w’imikino 2026-27.
Mu mabwiriza agenda Shampiyona y’uyu mwaka, harimo irivuga ku bakinnyi b’abanyamahanga bemerewe gukoreshwa ku rupapuro rw’umukino (Feuille de match).
Abakinnyi b’abanyamahanga bemerewe kwifashishwa, ni batatu mu gihe abo ikipe igomba kwandikisha batanu batarenga.
Kamonyi FC yari yatsinze TonyRW FC ibitego 2-1 mu mukino wa mbere wa Shampiyona, yatewe mpaga kubera gukoresha abakinnyi batanu kandi hemewe batatu gusa.
Ni icyemezo cyafashwe na Komisiyo Ishinzwe Amarushanwa muri FERWAFA, kuri uyu wa 28 Ukwakira 2026.
UMUSEKE.RW
