Perezida wa Repulika Paul Kagame kuri uyu wa Gatatu tariki ya 10 Kemena Perezida Kagame yashyize abayobozi batandukanye mu myanya.
Itangazo ryavuye mu biro bya Minisitiri w’Intebe rivuga ko “ Ashingiye ku biteganywa n’Itegeko Nshinga rya Repubulika y’u Rwanda, cyane cyane mu ngingo zaryo, iya 111, iya 112, n’iya 116 yashyize mu myanya abayobozi batandukanye.
Perezida wa Repubulika yashyizeho abayobozi bashya barimo Eng Murwanashyaka Damien wagizwe Minisitiri w’Ibikorwa Remezo asimbuye Dr. Jimmy Gasore. Ni mu gihe Armand na Col. Bizimungu Claudien bagizwe abanyamabanga ba leta muri iyo Minisiteri.
Perezida Kagame kandi yagize Madamu Uwizeye Judith, Minisitiri w’Abakozi ba Leta n’Umurimo , asimbuye Amb Christine Nkulikiyinka.
Ni mu gihe Kajangwe Antoine Marie yagizwe Minisitiri w’Ubucuruzi n’Inganda asimbuye Sebahizi Prudence.Naho Tuyishimire Chantal agirwa Umunyamabanga Uhoraho muri iyi Minisiteri.
Mu bandi bashyizwe mu myanya barimo Lt Gen (Rtd) Karenzi Karake yagizwe Ambasaderi w’u Rwanda mu Bushinwa.
Ni mu gihe Maj Gen Bayingana Emmanuel yagizwe Ambasaderi w’u Rwanda muri Israel .
Col (Rtd) Ruhunga Jeannot wigeze kuyobora Urwego rw’igihugu rw’ubugenzacyaha,RIB yagizwe Ambasaderi wa Repubulika y’u Rwanda muri Pologne.
Amb. Nkulikiyinka Christine wari Minisitiri w’Abakozi ba Leta n’Umumurimo yagizwe Ambasaderi wa Repubulika y’u Rwanda mu Bwami bwa Esipanye.
Perezida Kagame yashyize mu myanya kandi Kanyonga Louise aho yagizwe Umuyobozi Mukuru wa Zigama CSS. Byilingiro Maximilien we yahawe kuba Umuyobozi Mukuru w’Ikigo gishinzwe Ingufu (REG).
Madamu Umurungi Michelle yagizwe Umuyobozi Mukuru Wungirije unashinzwe Ishoramari mu Rwego rw’Ubwiteganyirize mu Rwanda (RSSB)
UMUSEKE.RW
