Biravugwa ko Rayon Sports yaba yateye utwatsi ubusabe bwa Rijeka yo muri Croatia yifuzaga gutanga ibihumbi 400$ (Agera kuri Miliyoni 583 Frw) kuri Muhoza Daniel.
Amakuru avuga ko Rijeka FC yasabye Murera uyu mukinnyi, yamenyekanye kuwa Mbere, tariki ya 7 Nzeri 2026 biciye ku mbuga nkoranyambaga.
Bivugwa ko iyi kipe yatanze ubusabe muri Rayon Sports isaba ko Muhoza Daniel yajya mu igeragezwa muri Croatia.
Amakuru avuga ko Rijeka FC yanifuje gutanga ibihumbi 400$ kuri uyu musore ariko Murera ibitera utwatsi ivuga ko atari umukinnyi wo kujya mu igeragezwa.
N’ubwo havugwa ibi, Gakwaya Olivier ubugira Rayon Sports, yabwiye UMUSEKE ko aya makuru ntacyo ayaziho.
Ati “Ayo makuru ntayo nzi.”
Umwe mu baba hafi y’uyu mukinnyi, yemeje ko uretse Rijeka FC, hari n’andi makipe akomeye amwifuza.
Ati “Baramushaka ariko hari n’andi ni uko iyi ari yo yashyizemo imbaraga.”
Rijeka ni ikipe ya Gatatu iri mu zikomeye muri iki gihugu nyuma ya Dinamo Zagreb na Hajduk na Split.
Ibitse ibikombe bibiri bya Shampiyona yo muri Croatia, birindwi by’Igihugu na bibiri yegukanye ubwo iki gihugu cyari kikirwa Yugoslavia.
UMUSEKE.RW
