Ikigo giteza imbere ubwikorezi bw’ibinyabiziga bikoresha amashanyarazi, Spiro cyabonye ishoramari rya miliyoni 215$ azafasha mu kwagura ibikorwa by’ubwikorezi butangiza ikirere, akaba yatanzwe n’ibigo bibiri, Impact Fund Denmark, na Equitane.
Spiro ivuga ko ishoramari rya miliyoni 215$ rizihutisha gahunda yo kugeza henshi ibinyabiziga bikoresha amashanyarazi, no gushyiraho uburyo bwo guhinduranya battery ahantu henshi muri Africa.
Ikigo cya Spiro gisanzwe gikorana n’ibigo byashinze imizi nka FEDA (Fund for Export Development in Africa), giherutse kuyiha amafaranga y’ishoramari, ari na ko yashatse abandi bafatanyabikorwa bo ku mugabane w’i Burayi no muri Africa, bishimangira gahunda iki kigo gifite mu kureshya ishoramari ku Isi mu rwego rwo gushaka abafatanyibikorwa ahantu hatandukanye hari amasoko abyibushye mu bukungu.
Nyuma yo gutekereza uburyo bwo guteza imbere ibicuruzwa byayo, ikoranabuhanga, no kureba urwego rw’ingufu, Spiro yateye indi ntambwe mu cyiciro kindi cyo kwagura ibikorwa ku rwego rw’umugabane wa Africa.
Ishoramari ryabonetse rizafasha mu kwagura uburyo bwo gusimburanya za bateri, gushinga inganda, kwihutisha ikoranabuhanga, no kubasha gushinga imizi ku isoko ryo ku mugabane wa Africa.
Umugabane wa Africa ni hamwe mu hantu abashoramari bo ku isi bahanze amaso mu gushyigikira impinduka umugane ufite mu bijyanye n’ubwikorezi, biturutse ku buryo imijyi ya Afurica igenda ikura igakenera uburyo bwisumbuye mu bwikorezi, ibinyabiziga by’amashanyarazi n’ihererekanye rya bateri bigatanga amahirwe yo gushora imari muri uru rwego.
Kugabanya ikoreshwa rya peteroli itumizwa mu mahanga, kongera ingufu no kugira inganda zihagije, kuvugurura imijyi no kuyiha ubwikorezi bumeze neza ni imwe mu ntego z’imijyi myinshi y’uyu mugabane, bikaba biha ibinyabiziga bikoreshwa n’amashanyarazi (EV) kuba inkingi y’ingenzi mu iyubakwa ry’ubukungu no gukomera kw’inganda muri Africa.
Biturutse ku izamuka ry’ibiciro bya lisansi, umubare munini w’abashaka ko ikiguzi cy’ubwikorezi kijya hasi, na politiki zishyigikira ibisubizo by’ingufu zitanduza, abashoramari bagenda bashyigikira imishinga y’ibinyabiziga bikoresha amashanyarazi bishobora gufasha Afrika kujya mu yindi ntambwe yo gukura kw’imijyi no kuzamuka kw’inganda.
Ku bantu batwara ibi binyabiziga, impinduka ni iz’ako kanya mu bijyanye n’ubukungu bwabo: gukoresha ibinyabiziga bya Spiro bikoresha amashanyarazi bishobora kugabanya icyiguzi cy’ingendo zikorwa buri munsi ho 40%, bikabyara inyungu y’amadolari 2$ umuntu ashobora kuzigama ku munsi ugereranije na moto zikoresha lisansi cyangwa mazutu.
Ubushakashatsi bwakozwe n’ikigo cyigenga muri Kenya bwagaragaje ko ibinyabiziga by’amashanyarazi bya Spiro byagize ingaruka nziza ku mijyi itandukanye muri Africa:
Ibinyabiga bikoresha amashanyarazi bwa Spiro byagabanyije imyuka ihumanya ikirere ho 72% ugereranije na moto zikoresha lisansi, bikaba bivuze ko hirinzwe toni 19 z’imyuka ihumanya ya CO₂ yari gusihorwa n’ibinyabiziga.
Ubushakashatsi bwerekanye ko hirinzwe imyuka ku kigero cya 80% yashoboraga kujya mu kirere cya Ozone ikangiza akayunguro k’Isi, ndetse ikoreshwa ry’ibinyabiziga by’amashanyarazi bishobora kugabanya 20% y’imyuka mibi ihumanya, bityo bikagaragaza ingaruka nziza bifite ku buzima bw’abantu batuye mu mijyi.
Gushyira imbaraga mu bikorwa by’ikoreshwa ry’ibinyabiziga bikoresha amashanyarazi, ubu Spiro ibikorera mu bihugu 7 muri Africa (Kenya, u Rwanda, Uganda, Togo, Benin, Nijeria, Kameroun), ikaba iteganya kwagura isoko ikinjira muri Repubulika ya Demokarasi ya Congo no muri Ethiopia, ari byo bituma Spiro ishaka kubaka ubwikorezi bw’ibinyabiziga bikoresha amashanyarazi buteye imbere, kandi n’ihererekanya rya bateri rihamye.
Inganda za Spiro urwashinzwe muri Kenya, mu Rwanda na Uganda, n’ikigo kigezweho cyo gutunganya bateri kiri muri Nigeria.
Gagan Gupta, washinze Spiro, akaba na Chairman wa Equitane yavuze ko “umwaka ushize Spiro yateye intambwe igaragara. Mu masoko arindwi dukoreraho, hoherejwe moto 100.000 z’amashanyarazi, hajyaho na sitasiyo 2,500 y’ahahinduranyirizwa bateri byabaye igisubizo cyo koroshya ingedno mu buzima bwa buri musi biba impamo.
Spiro yabaye imbarutso ikomeye mu guteza imbere inganda, kongera agaciro, no gukora ibintu mu nganda hirya no hino ku masoko yo muri Africa mu buryo burambye, bus=ziguye cyangwa butaziguye hahanzwe imirimo 6.000.
Dushyigikiwe no kwiyongera kw’abashoramari turshaka kujya mu kindi cyerekezo gishya cyo gutanga ibinyabiziga bikoresha ingufu zisukuye, zidahenze kandi zizagera ku bantu barenga za miliyoni ku mugabane wa Africa.”
Lars Bo Bertram, Umuyobozi Mukuru (CEO) wa Impact Fund Denmark yagize ati: “Turimo gushora imari muri Spiro, dushyira amafaranga y’ubwizigame yo muri Denmark ku isoko ritanga icyizere kurusha ahandi muri Africa, kubera ko turabona icyizere mu kwaguka kw’isoko rya Spiro, no kwiyongera k’ubwikorezi bukoresha amashanyarazi muri Africa, kandi bikaba bifite impinduka zifatika kirere. Iryo rwose ni ryo shoramari twifuza gukora.”
UMUSEKE.RW
