Mbere yo gusubira muri Kenya, Tusker FC yasuye Urwibutso rwa Jenoside rwa Kigali, ruhereye ku Gisozi.
Ni igikorwa cyabaye ku wa mbere tariki ya 3 Kanama 2026. Iyi kipe yatemberejwe ibice bitandukanye, isobanurirwa amateka y’Abatutsi bahashyinguye.
Tusker FC yari yaje mu mikino ya CECAFA Kagame Cup 2026 ariko igasezererwa itarenze amatsinda, yanasuye Parike ya Nyandungu iherereye mu Mujyi wa Kigali.
Yari mu itsinda C na KVZ FC yo muri Zanzibar, Rayon Sports yo mu Rwanda na Al-Hilal SC yo muri Sudani ariko ikina Shampiyona y’u Rwanda (BK Pro League).
UMUSEKE.RW
