Nyuma yo gutsinda ibitego bibiri murio 3-0 Bésil yatsinze Écosse mu mukino usoza iy’amajonjora y’Igikombe cy’Isi 2026, Vinicius Junior ukinira Real Madrid yo muri Espagne, yagiye mu bakinnyi b’abanyabigwi b’iki gihugu batsinze ibitego mu mikino yose y’amajonjora y’Igikombe cy’Isi.
Mu ijoro ryo ku wa 24 Kamena 2026, ni bwo hasojwe imikino y’amajonjora y’Igikombe cy’Isi iri kubera muri Canada, Mexique na Leta Zunze Ubumwe za Amerika.
Imwe mu makipe yari ahanzwe amaso, ni Bésil yari yatangiye inganya umukino wa mbere n’ikipe y’Igihugu ya Maroc ubwo zanganyaga igitego 1-1.
Ibifashijwemo na Vinicius Junior watsinze ibitego bibiri ku munota wa kane n’uwa 45+3 na Cunha watsinze ku munota wa 60, La Seleção yatsinze Écosse ibitego 3-0 ndetse ihita ikatisha itike ya 1/16.
Nyuma yo gutsinda ibitego bibiri, Vini yabaye umukinnyi wa Gatanu ukomoka muri Brésil watsinze igitego mu mikino yose y’amatsinda y’Igikombe cy’Isi.
Uyu mukinnyi yiyongereye kuri Jairzinho wabikoze mu 1970, Romário wabikoze mu 1994, Ronaldo wabikoze mu 2002 na Rivaldo nawe wabikoze mu 2002.
UMUSEKE.RW
