Abaramyi barimo Bosco Nshuti na Pastor Ben na Chance batumiwe mu gitaramo kizamara iminsi itatu cyateguwe n’itorero rya Eglise Vivante mu Rwanda aho bazafatanya n’umuvugabutumwa Dr. Neba uzaba avuye muri Kenya.
Umuvugizi w’Itorero Pastor Gataha Straton yatangaje ko bifuza ko iki giterane kizagira umumaro ufatika, ugendanye no kwereka abakristo ko n’abakora akazi gatandukanye bashobora kubwiriza ubutumwa bwiza.
Dr. Neba usanzwe ari umunyarwanda ariko akaba akora akazi k’ubuganga n’impamyabumenyi y’ikirenga, niwe uzabwiriza abazitabira icyo giterano gifite insanganyamatsiko ivuga ngo ‘Guhindura amasezerano mo ubuhamya’.
Pastor Straton yakomeje agira ati: “Igiterane kizaba iminsi itatu, abafite impungenge kuri Dr Neba, dusanzwe tumuzi kuko afite ijambo rifasha, ijambo rihindura abantu, ijambo rigira icyo rimarira abantu.”
Iki giterane cy’ububyutse kizamara iminsi itatu guhera tariki 23 Nyakanga 2023 aho kizamara iminsi itatu, cyatumiwemo abahanzi bakomeye barimo Bosco Nshuti, ndetse na Pastor Ben n’Umufasha we Chance. Kikaba kizabera ku Itorero Eglise Vivante ku i Rebero.