Minisitiri w’Ububanyi n’Amahanga w’u Rwanda, Amb Olivier Patrick Nduhungirehe, yaganiriye na mugenzi we wa Arabie Saoudite, Prince Faisal bin Farhan Al Saud, amushyikiriza ibaruwa ya Perezida Kagame igenewe igikomangoma Mohammed bin Salman.
Aba bombi bagiranye ibiganiro byagarutse ku mikoranire y’ibihugu byombi hagamijwe kurushaho guteza imbere ubutwererane, ubufatanye n’ishoramari mu bikorwaremezo n’ingufu.
U Rwanda na Arabie Saoudite bifatanya mu mishinga ikomeye yo kubaka ibikorwaremezo by’ingenzi birimo iby’ubuvuzi, imiyoboro y’amashanyarazi ndetse n’imihanda.
Arabie Saoudite yahaye u Rwanda inguzanyo ya miliyoni 42$ yo kubaka imihanda ibiri ifite uburebure bwa kilometero 150, irimo uwa Nyagatare-Base-Rukomo na Huye-Kitabi, yatashywe ku mugaragaro mu mwaka ushize.
Muri Gashyantare 2026 Minisitiri w’Ububanyi n’Amahanga wungirije wa Arabie Saoudite, Waleed bin Abdulkarim El-Khereij, yasuye u Rwanda ndetse agirana ibiganiro na Perezida Kagame.
UMUSEKE.RW
.
