Arsenal yegukanye igikombe cya Shampiyona y’u Bwongereza nyuma y’imyaka 22. Ni nyuma y’uko Manchester City inganyije igitego 1-1 na AFC Bournemouth.
Muri uyu mwaka w’imikino 2025-26, iyi kipe y’i Londres yagaragaje guhangana kudasanzwe ariko kimwe mu byayifashije cyane ni uko Manchester City bari bahanganye itabaye nziza nk’uko byahoze.
Uru rugendo rwa Mikel Arteta utoza Arsenal, rwashyizweho akadomo muri iri joro nyuma y’uko Pep Guardiola n’abahungu be banganyije na AFC Bournemouth igitego 1-1.
Uku kudatsinda kwa Man City, Abarashi babyungukiyemo kuko bahise begukana igikombe cya Shampiyona nyuma y’imyaka 22.
Arsenal yacyegukanye ifite amanota 82 mu gihe ikipe ya Pep yo yagize amanota 77 kandi habura umukino umwe.
Bivuze ko mu mukino usoza Shampiyona, niyo Arsenal yawutsindwa yagumana amanota 82 mu gihe Man City yo niyo yawutsinda yakuzuza 80 ikaguma ku mwanya wa kabiri.
UMUSEKE.RW
