Abapolisi 209 bo muri polisi y’u Rwanda basoje amahugurwa yo kurinda abanyacyubahiro, guhangana n’ibyihebe mu bice by’imijyi, guhosha imyigaragambyo no kugarura ituze muri rubanda.
Ni amahugurwa yasojwe kuri uyu wa Kane tariki ya 23 Nyakanga 2026 asozwa n’Umuyobozi Mukuru wa Polisi y’u Rwanda wungirije ushinzwe ibikorwa, CP Vincent Sano.
Aya mahugurwa yamaze ibyumweru bitandatu abera mu Kigo cya Polisi gitangirwamo amahugurwa yo kurwanya iterabwoba (CTTC), giherereye i Mayange mu Karere ka Bugesera, yateguwe ku bufatanye bwa Polisi y’u Rwanda na Lekhwiya (Urwego Rushinzwe Umutekano imbere muri Qatar)
Polisi y’u Rwanda yavuze ko abapolsi bayo 209 bongerewe ubumenyi n’ubushobozi mu bikorwa byo kurinda umutekano no guhangana n’ibibazo bitandukanye bibangamira ituze rusange.
MUGIRANEZA THIERRY/ UMUSEKE.RW
