Mu ijoro ryo kuwa Kabiri, tariki ya 4 Kanama 2026, abagizi ba nabi muri Uganda, bateye urugo rw’uwari kapiteni wa Villa SC, David Owori, baramwivugana.
Mu gitondo cyo kuri uyu wa Gatatu, tariki ya 5 Kanama 2026, ni bwo ikipe ya Villa SC yemeje ko uwari kapiteni wayo, David Owori, yapfuye nyuma yo guterwa n’abagizi ba nabi.
Umuvugizi wa Villa SC, Asan Kasingye, yemereye aya makuru ibitangazamakuru bitandukanye byo muri Uganda.
Nyuma yo guterwa ibyuma n’abagizi ba nabi, David yajyanywe mu Bitaro bikuru byo mu Mujyi wa Kampala ariko birangira apfuye.
Uyu mukinnyi yari kumwe n’ikipe y’Igihugu ya Uganda mu Gikombe cya Afurika giherutse kubera muri Maroc.
UMUSEKE.RW
