Umutoza w’ikipe y’Igihugu, Amavubi, Stephen Constantine, yahamagaye urutonde rw’agateganyo rw’abakinnyi 28 bitegura imikino ya Liberia na Cape-Vert mu gushaka itike y’Igikombe cya Afurika 2027.
Uru rutonde rwashyizwe hanze ku wa Kabiri, tariki ya 8 Nzeri 2026.
Mu bahamagawe muri uyu mwiherero, hagaragayemo Niyomugabo Claude udafite ikipe ndetse hagaragaramo abakinnyi babiri ba Kiyovu Sports itaherukaga gutanga abakinnyi mu ikipe y’Igihugu.
Abakinnyi b’Urucaca bahamagawe, ni Nsanzimfura Keddy na Hakim Hamiss. Bamwe mu basanzwe bahamagarwa ariko batari kuri uru rutonde, ni Manzi Thierry udafite ikipe ndetse, Hakim Sahabo wa AEK Athens yo mu Bugereki na Kwizera Olivier udafite akazi.
Imanishimwe Emmanuel na Ntwali Fiacre bagarutse mu ikipe y’Igihugu mu gihe umunyezamu wa Kabiri wa Rayon Sports, Mugisha Yves yahamagawe ku nshuro ye ya mbere.
Uwiyaremye Fidal wa APR FC ndetse na Mbonyumwami Taiba uri gukina muri Shampiyona ya Éthiopie, bongeye guhamagarwa mu Amavubi.
Iyi mikino yombi, izakinwa muri uku kwezi kwa Nzeri. Amavubi azabanza kwakira Libera kuri Stade Amahoro.
Igikombe cya Afurika 2027, kizabera muri Uganda, Kenya na Tanzania.
UMUSEKE.RW
