Umunyezamu w’ikipe y’Igihugu ya Sénégal, Edouard Mendy, yatangaje ko yasezeye gukinira ikipe y’Igihugu.
Uyu munyezamu w’imyaka 34, yabitangaje ku Cyumweru, tariki ya 13 Nzeri 2026 ubwo yifashishaga imbuga nkoranyambaga ze agatangaza ku mugaragaro ko asezeye gukinira Ikipe y’Igihugu ya Sénégal.
Mendy yatangiye gukinira Sénégal muri 2018. Yasezeye nyuma yo kuyikinira imikino 60 aho yayihesheje Ibikombe bya Afurika bibiri birimo icya 2021 n’icya 2026, ndetse yayikiniye mu Gikombe by’Isi mu 2022 na 2026.
Uyu munyezamu azakomeza gukinira ikipe ye ya Al Ahli Saudi yo muri Arabie Saoudite.
Mendy kandi yakiniye amakipe atandukanye ahereye muri Cherbourg, Marseille, Reims, Rennes zo mu Bufaransa, mbere yo kujya muri Chelsea yo mu Bwongereza.
UMUSEKE.RW
