Minisitiri w’umutekano w’Imbere mu gihugu Dr. Vincent Biruta yasoje ku mugaragaro imyitozo ihuriweho yo kurwanya iterabwoba y’inzego z’umutekano zo mu bihugu bigize umuryango wa EAPCCO n’ibindi bihugu, mu Kigo cy’Amahugurwa yo Kurwanya Iterabwoba (CTTC), i Mayange.
Minisitiri Dr. Biruta Vincent yasabye abasoje amahugurwa kuzakoresha ubumenyi bungutse kinyamwuga, barangwa n’imyitwarire myiza, kubaha amategeko ndetse n’amahame y’uburenganzira bwa muntu.
Yashimangiye ubushake buhuriweho bwo guteza imbere umutekano binyuze mu mahugurwa akozwe kinyamwuga, imikoranire y’akarere n’ubufatanye mpuzamahanga.
Uyobozi Mukuru wungirije wa Polisi ya Uganda, James Ocaya, yasabye abapolisi gukoresha neza ubumenyi bahawe mu gihe cy’ibyumweru bitatu bahurijwe hamwe mu mahugurwa ahuriweho na SWAT, agamije gushimangira kurwanya iterabwoba n’ibindi byaha bikomeye, ashimangira ko hakenewe ubufatanye bw’akarere ndetse n’amahanga mu guteza imbere umutekano.
Amahugurwa yakozwe kuva tariki 10 – 28 Gicurasi 2026, yahuje abapolisi 73 baturutse mu bihugu birindwi bigize EAPCCO, ari byo Kenya, u Rwanda, Uganda, Tanzania, Liberia, Seychelles, na Central African Republic (CAR).
Ku mugoroba wo kuri uyu wa Kane, tariki 28 Gicurasi, 2026 Umuyobozi Mukuru wa Polisi y’u Rwanda, CG Felix Namuhoranye yakiriye ku meza abashyitsi n’intumwa zifatanyije na Polisi y’u Rwanda mu kwizihiza imyaka 25 imaze ishinzwe, no gusoza imyitozo ihuriweho n’inzego z’umutekano zigize umuryango wa EAPCCO.
ANDI MAFOTO
UMUSEKE.RW
