Bruce Melodie uri mu bahanzi bamaze kugwiza ibigwi mu muziki nyarwanda, ari ku rutonde rw’abahatanye mu bihembo bya “Rubavu Music Awards & Talent Detection” bigiye gutangwa ku nshuro ya kabiri.
Ibi bihembo bitangwa ku bufatanye bwa ‘Future Novelty Company’, ‘Vision Jeunesse Nouvelle’ n’Akarere ka Rubavu, kuri iyi nshuro bihatanyemo abahanzi bo muri ako Karere, abahakomoka n’abahize abandi ku rwego rw’igihugu.
Bruce Melodie ahatanye mu cyiciro cy’abahanzi bakoze neza mu mwaka wa 2025/26 mu Rwanda, aho ahuriyemo na Kevin Kade, Element Eleee, Chriss Eazy na Alyn Sano.
Umuyobozi wa Future Novelty Company, Fred Ruterana, yabwiye UMUSEKE ko ibihembo bizatangwa mu byiciro 12 byatoranyijwe n’abanyamakuru bakurikirana imyidagaduro mu Karere ka Rubavu.
Yavuze ko ku wa 15 Gicurasi 2026 aribwo abakunzi b’abahanzi bazatangira gutora kuri internet banyuze ku rubuga rwa Vision Jeunesse Nouvelle.
Yagize ati: “Abafana bagire uruhare rwa 50%, na none abanyamakuru bakurikirana imyidagaduro mu Karere ka Rubavu na bo bazongera batore bagire 50%. Amatora azarangira tariki ya 28 Gicurasi.”
Yashimangiye ko abahize abandi bazatangarizwa mu gitaramo kizabera muri Kivu Intare Arena ku wa 30 Gicurasi 2026.
Reba urutonde rw’ibyiciro n’ababihatanyemo
Best Rubavu Male Artist
Fica Magic, Ross Kempo, Josskid, Lil Chance na Isha Mubaya.
Best Rubavu Female Artist
Kanyota, Vanessa, Addy d’Afrique n’uwitwa Divan.
Best Rubavu R&B Artist
Fica Magic, T Blaise, Isha Mubaya, Twin Vybes na Lil Chance.
Best Rubavu Hip Hop Artist
Josskid, Haj P, Phill Pauz, Ross Kempo na Giso G.
Best Rubavu Gospel Artist
Hyguette & Cynthia, Ev. Amani, Alicia & Germaine, Boaz na Clémence Gasasira.
Best Rubavu Song of the Year
Yabiso ya The Same, Kwaka ya Josskid ft Racine, Nduwa G City Rmx ya Ross Kempo ft Josskid, Giso G na Phil Pauz.
Rubavu Video of the Year
Cebo ya T Blaise ft Kanyota, Kwaka ya Josskid ft Racine, Ibendera ya Alicia & Germaine, Bukayo Saka ya Phill Pauz, Uriyo”ya Alicia & Germaine na Wera ya Hyguette & Cynthia.
Rubavu Audio Producer of the Year
Bertz Beat, Ganza Pro, Eppa Gold, Rog B Beat na Killie Beat.
Rubavu Music Director of the Year
Big Deal, Gucci ndetse na P Boy MGS.
Rubavu Dj of the Year
Selekta Dady, DJ Arafat, DJ Dylan, DJ Olis na DJ Chris.
Rubavu Boost Artist of the Year
Kendo, Okkama, Ariel Wayz, Lucky Logan na Mutima.
Country Wide Artist of the Year
Bruce Melodie, Kevin Kade, Element Eleee, Chriss Eazy na Alyn Sano.
NDEKEZI JOHNSON / UMUSEKE.RW
