Ikipe y’Ingabo izahura na Les Aigles du Congo yo muri Repubulika Iharanira Demokarasi ya Congo mu ijonjora ry’ibanze rya CAF Champions, mu gihe nihaca ishobora kuzahura na Zamalek SC yo mu Misiri.
Tombola y’uko amakipe azahura muri iri jonjora ry’ibanze ry’aya marushanwa Nyafurika y’amakipe yabaye aya mbere iwayo, yabaye kuri uyu wa Kane, tariki ya 6 Kanama 2026 ku Cyicaro Gikuru cya CAF giherereye i Cairo mu Misiri.
Karekezi Olivier ufatwa nk’umunyabigwi wa APR FC ndetse wakinnye nk’uwabigize Umwuga kugeza agiye ku Mugabane w’i Burayi, ni we watomboreye amakipe uko azahura.
Ikipe y’Ingabo yisanze izahura na Les Aigles du Congo yabaye iya Kabiri muri Shampiyona ya RDC mu mukino w’ijonjora ry’ibanze.
Izasezerera indi muri izi, izahura n’izaba yasezereye indi hagati ya Zamalek SC yegukanye igikombe cya Shampiyona mu Misiri na AS Port yo muri Djibouti.
Umukino ubanza uzabera muri RDC hagati ya tariki 4-6 Nzeri mu gihe uwo kwishyura uzabera i Kigali tariki 11-13 Nzeri 2026.
Rayon Sports yo izahura na Panthère Sportive du Ndé yo muri Cameroun, mu ijonjora ry’ibanze rya CAF Confederation Cup 2026.
Izasezerera indi muri izi, izahura n’izaba yasezereye indi hagati ya Atomic Ngomé de Ntsoudjini yo mu Birwa bya Comores na Black Bulls yo muri Mozambique.
Iyi Black Bulls yakinagamo umunyezamu, Ernani Siluane wa APR FC.
UMUSEKE.RW
