Icyiciro:

Abana

Ni ubushakashatsi bwamuritswe kuri uyu wa Gatatu

Abana bo mu muhanda mu Rwanda ni 2882– Ubushakashatsi

Yanditswe na Jean Claude Ndayishimye 08/05/2019 12:39 42

Komisiyo y’Igihugu ishinzwe abana ivuga yasohoye ubushakashatsi yakoze ku kibazo cy’abana bo mu muhanda, aho Akarere ka Gasabo ari ko gafite abana benshi baba mu muhanda.

Ni ubushakashatsi bwamuritswe kuri uyu wa Gatatu

Aka karere gakurikirwa n’aka Nyarugenge, Huye, Bugesera, Kicukiro, Rubavu, Kayonza, Rwamagana n’utundi.

Abana babajijwe ngo bavuze ko impamvu ibatera kuza mu muhanda ari uko ubukene, ababyeyi batita ku nshingano n’amakimbirane.

Ubukene ngo butuma abana batabona ibyo bakenera harimo ibikoresho by’ishuri, n’ibindi.

Hari abana bahunga imiryango yabo kubera ubukene, abandi bakajya kwishakira uko babaho.

Iyi komisiyo ivuga ko kubona amakuru, ngo byasabye ko bagera mu dusanteri mu gihugu hose, isanga mu Rwanda hari abana b’inzererezi ni 2882.

Abagera kuri 55.6% baba mu muhanda ubuzima bwabo bwose na ho 44.30% birirwa ku muhanda ariko bagataha iwabo.

Muri abo bana bose ngo harimo abafite ababyeyi babo bombi bangana 1629 , na ho abagera kuri 202 bafite ababyeyi b’abagabo gusa. abafite ba nyina bangana na 490, na ho 135 bapfushije ababyeyi bombi.

Lambert Hategekimana, Umuyobozi w’agateganyo w’ishami rishinzwe kubera umubyeyi umwana atabyaye, kurengera no guteza imbere uburenganzira bw’umwana muri NCC, avuga ko kugira ngo bariya bana bose basubizwe mu miryango byasaba byibura imyaka ibiri.

Yagize ati “Kugira ngo ibi bishoboke ariko byasaba gukumira icyatuma basubira mu muhanga. Kubacyura byagombye kujyanirana no gukumira ibibasubizayo.”

Avuga ko kandi kugira ngo ibi bishoboke byasaba ko imiryango baturukamo iba itekanye kugira ngo icyo bahunga kivaho.

Kumurika ubu bushakashatsi bikaba byanitabiriwe n’abayobozi bungirije b’uturere twose bashinzwe imibereho myiza.

Uko uturere turushanwa mu kugira abana bari mu mihanda:

1.Gasabo

2.Nyarugenge

3.Huye

4.Bugesera

5.Kicukiro

6.Rubavu

7.Kayonza

8.Rwamagana

9.Muhanga

10.Rusizi

11.Ruhango

12.Nyamagana

13.Musanze

14.Nyabihu

15.Nyaruguru

16.Kamonyi

17.Gatsibo

18.Karongi

19.Nyanza

20.Ngororero

21.Rulindo

22.Gicumbi

23.Gisagara

25.Burera

26:Ngoma

27:Rutsiro

28: Gakenke

29:Nyagatare

30:Kirehe

Umunyamabanga Nshingwabikorwa wa NCC, Uwera Kanyamanza Claudine

Jean Pierre NIZEYIMANA

UMUSEKE.RW

08/05/2019 12:39 42 1 Igitekerezo

Abana Amakuru aheruka Andi makuru Inkuru Nyamukuru

Huye: Abana na ba nyina bari kondorerwa mu bitaro

Yanditswe na Jean Claude Ndayishimye 08/05/2019 9:15 14

Nyuma yo kujya mu itorero ry’Igihugu bagatorezwa mu mutwe witwa “Impeshakurama”, abaganga bo mu Murenge wa Huye, Akarere ka Huye, bari kugira uruhare mu guhangana n’ikibazo k’indwara ziterwa n’imirire mibi.

Abakiri mu bitaro ngo bazataha bamenye uko bategura indyo yuzuye

Umuseke wasuye Ikigonderabuzima cya Sovu gishamikiye kuri Kiliziya Gatolika, kikaba cyakira abana na ba nyina bafite ikibazo k’imirire mibi bose bakondorerwa icyarimwe.

Sr. Solange Uwanyirigira uyobora iki kigonderabuzima avuga ko bagize iki gitekerezo nyuma y’aho bavuye mu itorero ry’impeshakurama mu mwaka wa 2017, aho baje gusanga ko kondora abana gusa bidahagije kuko na ba nyina ngo baba bafite ikibazo cy’imirire mibi, bahitamo kubashyira mu bitaro bose.

Ati “Twatangiye mu mwaka wa 2017 tubona bibyara umusaruro, ariko twaje kureba tukabona umwana ni byo ararwaye ariko wareba na nyina ugasanga na we ntakigenda, ukibaza uti ese niba uyu mwana arwaye bwaki wareba na nyina ukabona na we ameze nk’urwaye bwaki, nuvura umwana gusa kandi acyonka ayo mashereka yonka yo azaba ameze gute? Twahisemo rero kugaburira abana tukagaburira na banyina kugira ngo ikibazo gikemuke burundu.”

Uwineza Donatira ufite umwana wakize avuga ko ubu nawe aho atuye asigaye yakira abana b’abaturanyi akabafasha kuva mu mirire mibi kuko yamaze kumenya uko bategura indyo yuzuye.

Ati “Umwana wange yarakize bananyigishije kumwitaho ubu nange mu itsinda ryose aho ngiye ndabigisha hari n’abana njya mfata muganga arabizi nkabazana hano nkabondora batarinze gusanga muganga hari n’uwo nari maranye iminsi hano.”

Uretse uyu Uwineza wamaze kuva mu bitaro, haracyarimo abandi babyeyi bafite abana bafite ikibazo cy’imirire mibi.

Bamwe muri bo twaganiriye batubwira ko abana babo barimo koroherwa kandi ngo bamaze kumenya uko bategura indyo yuzuye ku buryo bazakomeza kubikora nibataha.

Uwimana Marie Claire ati “Namuzanye hano bitewe nuko atiyongeraga ibiro ariko ndabona agenda amera neza maze ibyumweru bibiri n’igice, namaze kumenya uko bategura indyo yuzuye nintaha nzabikurikiza.”

Ibi ni na byo bivugwa na bagenzi be twahasanze bafite abana barwaye bwaki.

Nkuko tubikesha ubuyobozi bw’iki kigonderabuzima cya Sovu umwana udafite izindi ndwara zihariye, mu byumweru bitatu gusa aba avuye mu mirire mibi.

Kuva mu Ukuboza 2017 iki kigo cyatangiranye abana 64 baravurwa barataha, ubu muri rusange bamaze kondora abana 114 na banyina 112, muri aba bondowe 17 bari mu mutuku abandi bakaba bari mu muhondo.

Ikigo nderabuzima cya Sovu kikaba cyaratangiye gukora guhera mu 1973.

Imirire mibi ni ikibazo gihangayikishije u Rwanda, aho abana babarirwa muri 38% bagwingiye, Leta ikaba yarashyiseho gahunda zitandukanye zigamije kuyirandura.

Soeur Solange Uwanyirigira ahamya ko kondora umwana ugasiga nyina ntacyo uba ukoze

Uwineza Donatille umwana we yarakize ubu na we asigaye afasha kondora ababandi

Mu kigo nderabuzima cya Sovu bamaze kondora abana 114 na ba nyina 112

Elia BYUKUSENGE

UMUSEKE.RW/ Huye

08/05/2019 9:15 14 0 Igitekerezo

Abana Amakuru aheruka Utuntu n'utundi

Umwana wanjye agiye kurererwa mu wundi muryango yakorerwa iki?

Yanditswe na webmaster 14/03/2019 7:27 57

Akenshi biragorana kwikuraho umwana ngo umujyane ahandi babe ariho bamurera, ariko mu bihugu nk’u Rwanda n’ahandi habaye intambara na Jenoside imwe mu ngaruka zikomeye ni uko habayeho imfubyi, abana bamwe basigara bonyine bagomba kwirera cyangwa kurererwa ahandi batavukiye, ni ikibazo kidakunze kuguhangayikisha, ariko ibaze ko umwana wawe agiye kurerera ahandi, wifuza ko yakorerwa iki? Ni iki wumva ko kitamukorerwa?

Rimwe mu ishuri ya SOS Rwanda

Imibare igaragaza ko abana miliyoni 24 ku Isi barererwa ahantu cyangwa mu miryango batavukiyemo ibyo bita mu Cyongereza “Altenative Care”, nibura abagera kuri 1/3 cy’abo babayeho mu buzima butoroshye no mu mubabaro nk’uko byavuzwe n’umukozi w’Umuryango SOS Rwanda wita ku bana badafite ubitaho, mu Ugushyingo 2018.

Umuryango SOS Rwanda uvuga ko abana barererwa aho batavukiye, nko mu bigo by’imfubyi cyangwa mu miryango yabakiriye bitewe n’impamvu zinyuranye nk’izo kuburana n’ababyeyi, kubapfusha kubera intambara cyangwa ibyorezo, bakwiye kwitabwaho ndetse hakubahirizwa uburenganzira bwabo.

Bumwe mu Burenganzira abana bagomba guhabwa aho barererwa nk’uko bikubiye mu masezerano yo kurengera umwana (UN Convention on the Rights of the Child) no mu mahame agenga kurerwa aho umwana atavukiye, (UN Guidelines for the Alternative Care of Children), kugaburirwa, kwambikwa, kwigishwa mu ishuri, kurerwa, kwandikishwa mu irangamimerere, kumenya aho akomoka no guhabwa amakuru y’ab’iwabo, gukina, kudakoreshwa imirimo imuvuna n’ibindi.

Serge Nyirinkwaya ushinzwe amahugurwa mu muryango SOS CVs Rwanda avuga ko bo bagira amahame bagenderaho aho barerera abana (SOS Children’s Villages).

Muri SOS Rwanda bavuga ko buri mwana akwiye kwitabwaho bitewe n’umwihariko we, bavuga ko umwana akwiye kuba mu muryango uhamye akarindwa kujarajara, kandi agatozwa kubana n’abandi by’umwihariko abo bafitanye amasano, igihe umwana arererwa mu muryango atavukiyemo akwiye kugira ‘Umwishingizi’ umuhagararira akamenya ibye.

Mu rwego rwo gufasha ko abana barererwa mu muryango barushaho kugira ubuzima bwiza, SOS CVs Rwanda yagiye itanga amahugurwa yo gutegura neza imiryango yakira abana bakeneye kurerwa, ndetse ikagenda ibashyira mu bimina (amatsinda yo kuzigama) kugira ngo izamure ubushobozi bwayo, bamwe bakagurirwa amatungo.

Serge Nyirinkwaya avuga ko hagezweho byinshi kuva mu 2012 ubwo u Rwanda rwatangiraga gahunda ya “Tubarerere mu Muryango” bamwe bakavanwa mu bigo byakiraga imfubyi bajya mu miryango no kwa ba Malayika Murinzi, ariko ngo hakenewe gukurikirana niba abo bana babona ibyangombwa bakeneye ndetse niba imiryango yabakiriye ishyigikirwa.

Avuga ko u Rwanda rugerageza kwita ku burenganzira bw’abana, haba mu kuvugurura amategeko nk’iryasohotse muri 2018 rivuga “Ku Kubungabunga Uburenganzira bw’Umwana”, gushyiraho inshuti z’Umuryango (2) ku Mudugudu na gahunda zindi zishyirwaho zo kurengera umwana nk’inama y’Igihugu y’Abana.

Nyirinkwaya avuga ko ibikwiye gukomeza kwitabwaho mu rwego rwo kurengera abana barererwa ahandi batavukiye, ari ukwigisha ababyeyi uburyo bwo kurera badahutaza umwana, gushyigikira imiryango yabo no gufasha gahunda zo kwizigama (ibimina) zigakomera hirya no hino aho ziri.

Mukandahinyuka Mariciana arera umwana w’imyaka 11 akaba amumaranye imyaka ine, umuryango we uba mu karere ka Kayonza mu murenge wa Nyamirama, avuga ko inyigisho zikubiyemo amasomo 15 bahawe na SOS Rwanda mu buryo bwo kurera neza no kwita ku bana nk’ababo yamufashije cyane.

Ati “Batwigishije uko umwana umutwara aramutse ahinduye imico, batwigisha kwihangira imirimo, uburenganzira umwana afite bwo kwandikishwa mu irangamimerere, yose sinayibuka ariko ni amasomo 15.”

Avuga ko ubu abanye n’umwana arera neza, ngo barakina, bagaseka umwana akumva ko arerwa n’umubyeyi.

Aho abana baba barererwa muri SOS Rwanda haba hari amashuri yujuje ibisabwa

HATANGIMANA Ange Eric
UM– USEKE.RW

14/03/2019 7:27 57 0 Igitekerezo

Abana Amakuru aheruka Mu cyaro

Kirehe: Abana barifuza ko ku mashuri hashyirwa inzira zorohereza abafite ubumuga

Yanditswe na Ange Eric Hatangimana 20/12/2018 2:36 31

Mu karere ka Kirehe hari abana bafite ubumuga basaba ko hashyirwaho ibikorwa remezo biborohereza nko gushyiraho inzira zabagenewe ku bigo cy’amashuri bigaho.

Shimwayesu Isaac uhagarariye ihuriro ry’abana mu karere ka Kirehe

Bamwe mu babahagarariye mu ihuriro ry’abana mu karere, bavuga ko zimwe mu nyubako zo mu karere ka Kirehe zidafite ibikorwa remezo byorohereza abana bafite ubumuga.

Bagasaba ko izi nyubako zivugururwa kugira ngo bagenzi babo bajye babona serivisi bahakenera biboroheye ariko by’umwihariko ngo bahera ku mashuri.

Shimwayesu Isaac uhagarariye ihuriro ry’abana mu karere ka Kirehe kuva tariki 07 Ukuboza 2018, avuga ko kimwe mu bibazo abana bafite ari ukuba abafite ubumuga batabasha kwiga neza kubera ibikorwa remezo bitaborohereza.

Ati “Usanga abana bafite ubumuga bakibangamirwa n’inyubako zigaragara ku mashuri zitameze neza, nko mu kigo ugasanga inzira zirimo zitabasha kunyurwaho n’igare ry’abamugaye, iki kirabangamye cyane.”

Ntakirutimana Innocent uharanira uburenganzira bw’abana avuga ko bakomeje gukora ubuvugizi, ndetse akavuga ko itegeko risaba gushyiraho ibikorwa remezo byorohereza abafite ubumuga.

Ati “Abagikora ibikorwa remezo bidafasha abafite ubumuga baba birengagije amabwiriza ya Leta kandi bituma abana biga nabi kuko birabagora, niyo mpamvu dukomeza kugenda dukora ubuvugizi ngo turebe ko byashira.”

Byukusenge Claude ushinzwe igenamigambi mu karere ka Kirehe agaragaza ko hakiri inyubako zitorohereza abafite ubumuga ariko ko ubu inyubako nshya zose zubahiriza ibiri mu mabwiriza yo gushyiraho ibikorwa remezo bifasha abafite ubumuga.

Ati “Nugukomeza gukurikrana, si n’amashuri yonyine, n’izindi nyubako zose zakabaye zorohereza abafite ubumuga.”

Abana bafite ubumuga mu karere ka Kirehe, vyane ubukomatanyije ngo ntibabona uko biga kubera ko bikigoye amashuri kubona abazi ururimi rw’amarenga babasha kubasemurira.

Ubuyobozi bw’Akarere ka Kirehe buvuga ko hashyizweho gahunda yo gusuzuma buri nyubako mbere yo gukorerwamo mu rwego rwo gufasha abafite ubumuga.

Elia BYUK– USENGE
UM– USEKE.RW/Kirehe

20/12/2018 2:36 31 0 Igitekerezo

Abana Amakuru aheruka Andi makuru

Wibyara ngo wumve ko hari undi uzakurerera umwana– ACP. Gumira

Yanditswe na Ange Eric Hatangimana 19/12/2018 1:07 48

Mu rugendo rwo rujyanye n’ubukangurambaga bwo kurwanya ihohotera rikorerwa abagore n’abana b’abakobwa, umuyobozi wungirije w’ikigo cy’igihugu cy’igororamuco ACP. Gumira Gilbert yasabye ababyeyi gufata inshingano abana bakarererwa mu miryango aho kurererwa ku muhanda.

ACP. Gumira Gilbert yasabye ababyeyi gufata inshingano zo kurera abana babo

Urugendo rwavuye ku ibiro by’umujyi wa Kigali, bakomereza i Nyamirambo kwa Mutwe, bagana Kimisagara kuri Maison de Jeune.

Umwe mu bana yatanze ubuhamya bw’uko yabaye inzererezi afite imyaka 14 abitewe n’uko ababyeyi be batumvikanaga, bitewe n’uko aho nyina yamushakanye umugabo wo muri urwo rugo atemeraga uwo mwana.

Ati “Umunsi umwe mama yagiye mu cyaro, umugabo we ashaka kumfata ku ngufu, musaza wanjye aramutesha kuko hari nijoro, bukeye njya mu buyobozi, brabikemura bansaba gusubira mu rugo, ntabwo nigeze nsubirayo ahubwo nahise njya ku muhanda kuba inzererezi.”

Uyu mwana w’umukobwa yakomeje avuga ko icyo gihe yahoraga arara mu muhanda mu bice bitandukanye, aza guhura na Caritas Rwanda maze bamukura ku muhanda.

Yarangije kwiga imyuga kandi akora muri Saloon itunganya imisatsi y’abagore, afite inzozi yo kuzakura abandi bana ku muhanda.

Undi mwana w’imyaka 15 yadutangarije ko yagiye mu muhanda afite imyaka itanu bitewe n’ubukene.

Umubyeyi we (nyina) yarafunzwe kugeza magingo aya, kandi se ubabyara yari yarabatereranye bitewe. Ngo bahisemo kujya kwihigira bityo bibaviramo kuba inzererezi.

Na we Caritas niyo ibafasha we na mukuru we, ubu basubiye mu rugo baritunze.

Muhongerwa Patricia umuyobozi wungirije w’umujyi wa Kigali yavuze ko ubukangurambaga bugomba kwiyongera bukagira imbaraga zirenzeho ku zikoreshwa.

Ati “Umubyeyi ashinzwe kumenya urugo rwe akarera abana, akabaha iby’ibanze mu buzima, akabagira inama bagakura akababona na bo bubaka ingo zabo.

Kubera amakimbirane mu miryango n’ihohotera usanga buri wese yishugurikira, umugore agahunga, umugabo agata urugo abana bagasigara nta kirera bafite, bakajya mu mihanda bakaba inzererezi.”

Caritas Rwanda isanga ihohotera mu muryango n’ubukene bituma abana benshi bajya ku muhanda

Muhongerwa Patricia yavuze ko bakomeje umuvuduko mu bukangurambaga ndetse banibutsa ababyeyi inshingano bafite ku bana, kandi ngo bizeye ko igihe kimwe ababyeyi bazisubiraho bakita ku bana na bo bakava ku mihanda.

Mushashi Josiane umuhuzabikorwa w’ibigo w’abadacogora n’Itwari bya Caritas i Kigali, byita ku bibazo by’abana bo mu muhanda, yavuze ko ihohotera ryinshi mu muryango ari na ryo rituma abana bahunga bakajya kuba inzererezi.

Ati “Nubwo bavuga ubukene, ariko butari kumwe n’amakimbira ntabwo ari byo byatuma abana bajya mu muhanda bangana gutyo, ahubwo ni byose biba bifatanye haba ari ubukene ndetse n’amakimbirane.

Mushashi yakomeje avuga ko ubu hashize imyaka itanu baratangiye gukorera mu miryango ku buryo ubukangurambaga barimo gukora bugamije kubihera ku muzi, bugahindura imyumvire y’Abanyarwanda mu bijyanye n’uburenganzira bw’umwana, n’ihohotera.

ACP Gilbert Gumiraumuyobozi mukuru wungirije mu Ikigo Ngororamuco (NRS) yavuze ko bafatanya na Caritas mu gukura abana b’inzererezi mu muhanda, bakagororwa ndetse bakabafasha gutera imbere binyuze mu kubaha ubumenyingiro.

Ati “Umubyeyi afate inshingano ze abana, abe uw’umuryango, arerere mu muryango aho kurerera ku muhanda, ntihabe kumva ko umwana we hari abantu bandi bamushinzwe.”

Kuva Caritas yabaho mu Rwanda, abasaga 6000 banyuze mu bigo by’abadacogora n’Intwari, benshi ubu ni abagore n’abagabo. Bmwe bafite n’imirimo muri Leta, abandi bakora imyuga itandukanye ku giti cyabo.

Caritas iracyafasha abana bato 463 muri urwo rugendo rwo kwiteza imbere, bamwe biga mu mashuri yisumbuye, abandi biga imyuga, muri aba ngaba abakiri kugororwa ni 73 mu kigo kibarizwa mu karere ka Bugesera.

Ubu bukangurambaga bwatangiye ku ya 14 -21 Ukuboza 2018, bukazabera mu turere dutandukanye mu Rwanda.

Daddy SADIKI RUBANGURA
UM– USEKE.RW

19/12/2018 1:07 48 0 Igitekerezo

Abana Amakuru aheruka Andi makuru Inkuru Nyamukuru

Abana 34 bagaragaje ibisubizo ikoranabuhanga ryatanga ku Banyarwanda

Yanditswe na Ange Eric Hatangimana 16/12/2018 3:21 01

Mu karere ka Kicukiro mu kigo gifasha ba rwiyemezamirimo bakiri bato mu bushobozi (Start Up) mu kwiteza imbere (LEAPR LBS), abana 34 bagaragaje ubuhanga mu ikoranabuhanga, bavuga ko bazabwifashisha mu gukemura ibibazo Abanyarwanda bahura na byo mu buzima bwa buri munsi.

Aba bana bahawe ubumenyi butandukanye ku bijyanye n’ikoranabuhanga

Abana bari hagati y’imyaka irindwi na 13 y’amavuko, baturutse mu bigo by’abashuri nka Lycee de Kigali, Fruit of Hope Academy n’ahandi bamaze amezi atatu bigishwa ibijyanye n’ikoranabuhanga.

Mu byo bamazemo iminsi biga harimo Engineering, Robotics, Security System n’ibindi…. Ubu bumenyi butandukanye n’amasomo biga mu ishuri mu buzima busanzwe.

Keza Benigne ufite imyaka 11 yiga ku ishuri rya Fruit of Hope Academy yavuze ko yakunze ikoranabuhanga rijyanye n’ubuhinzi kuko mu Rwanda abakora abohunzi ari benshi.

Ati “Iyo ari mu gihe cy’izuba ryinshi abaturage ntabwo babona uburyo buhira imirima yabo kugira ngo beze bayigurishe babone amafaranga, natekereje gukora ikoranabuhanga rizafasha abahinzi mu kuhira imirima yabo.”

Ineza Kenice wiga kuri Fruit of Hope Academy we twasanze yakoraga amatara yo ku muhanda ayobora imodoka (Feux Rouge), yatangarije Umuseke ko yahisemo ibyo kuko mu Rwanda ahantu henshi zidahari.

Abana bagaragaje ko ikoranabuhanga ryaba kimwe mu bisubizo ku bibazo biri mu muryango

Ati “ Nakoze Feux Rouge neza hanyuma nkora n’amatara yo ku muhanda kugira ngo umuhanda ugaragare neza abantu birinde impanuka ndetse no kwirinda abajura.”

Gatsinzi Nshuti Blessed afite imyaka 11 y’amavuko we yakoze Application yitwa Scratch izatuma abasha gukora umukino “ Game” ndetse n’ama Robot, atekereza ko bizamwungukire amafaranga kandi agafasha kuruhuka mu mutwe abazayikina.

Ildephonse Mungwarakarama umuyobozi wa Children Creativity Lab umushinga wigishije abana ikoranabuhanga ugamije kuribakundisha yavuze ko batangiye uyu mushinga uyu mwaka batangira ari gahunda bakora muri week-end bagahura n’abana bakabigisha.

Ati “Twasanze gutangiza umwana kumenyi hakiri kare ikoranabuhanga bizatuma akakurana umuco wo guhanga udushya akaba yakemura ibibazo bya sosiyete nyarwanda.”

Mungarakarama avuga ko batangiriye ku kwigisha abana Engineering, babereka uburyo amashanyarazi abonekamo, uko amatara yaka hanyuma no gutekereza guhanga ibintu (Design-thinking).

Ngo babatoza gutekereza ku bibazo sosiyete ifite bakaba bakoresha ubumenyi bafite batanga ibisubizo kuri byo.

Iyi ni gahunda ikorwa mu biruhuko ndetse no muri week-end. Ifasha abana mu kwitegura ejo habo hazaza.

Mu bitabiriye iki gikorwa cyabereye Kicukiro barimo n’abanyamahanga

Uyu ngo yibona cyane mu bijyanye n’amashanyarazi n’uburyo amatara yo ku muhanda akoramo

Abana beretswe uko imodoka za Robot zikora

Ildephonse Mungwarakarama umuyobozi wa Children Creativity Lab umushinga wigishije aba bana ibijyanye n’ikoranabuhanga

Daddy SADIKI RUBANGURA
UM– USEKE.RW

16/12/2018 3:21 01 0 Igitekerezo

Abana Amakuru aheruka Andi makuru

Abana 6 bafungiye i Nyagatare batangiye ibizamini bisoza Tronc Commun

Yanditswe na Ange Eric Hatangimana 21/11/2018 2:05 17

Kuri uyu wa kabiri tariki ya 20 Ugushyingo 2018 abana batandatu bo muri gereza y’abana ya Nyagatare batangiye gukora ibizamini bisoza ikiciro cya mbere cy’amashuri yisumbuye. Iki kizamini barimo kugikorera mu rwunge rw’amashuri rwa Nyagatare.

Abana bakareye ikizamini muri gereza ya Nyagatare 2mu bihe byahise bose bagiye batsinda

Ni inshuro ya gatatu abagororwa bafungiye muri gereza y’abana ya Nyagatare bakora ibizamini bya Leta bisoza ikiciro cy’amashuri abanza Tronc Commun.

Abana barimo gukora ibi bizamini ni abahamijwe ibyaha n’inkiko bakaza gufungwa, ariko kubera ko gereza ifite inshingano yo kugorora, umwana uje gufungwa yari umunyeshuri akomeza amashuri ye muri gereza, ndetse hakiyongeraho no kwigishwa umwuga.

Umwe muri aba bana bafunze wakoze iki kizamini cya Leta yagize ati: “Twigishijwe neza kandi twiteguye gutsinda kuko twasanze twiga kimwe n’abandi bana badafunze. Aho tuba muri gereza dufite amashuri n’abarimu beza, ibyo biraduha ikizere ko ikizamini tuzagitsinda.”

Ikindi ngo kibatera akanyabugabo ni uko bagenzi babo bakoze iki kizamini kenshi bose bagitsinze nta we usigaye.

Mu cyumweru gishize, abandi bana 12 bafungiye muri gereza y’abana y’i Nyagatare na bo bakoze ikizamini gisoza amashuri abanza. Muri abo bana 10 ni abahungu naho 2 ni abakobwa.

Gereza ya Nyagate yahariwe gufungirwamo abana bakora ibyaha batarageza ku myaka y’ubukure, ni ukuvuga abari hagati y’imyaka 12 na 18.

Iyo bahageze bahabwa ibyangombwa byubahiriza uburenganzira bw’umwana by’umwihariko harimo kwiga. Ibyo ariko bikorwa hatirengagijwe ko bafunzwe bagomba kurangiza ibihano bakatiwe n’inkiko.

Gereza ya Nyagatare ifungiyemo abana bari hagati y’imyaka 14 na 18 basaga 373 bashinjwa ibyaha bitandukanye birimo gukubita no gukomeretsa, gufata ku ngufu, ibiyobyabwenge ndetse n’ubujura.

UM– USEKE.RW

21/11/2018 2:05 17 0 Igitekerezo

Abana Amakuru aheruka Mu cyaro

Abayobozi n’ababyeyi barasabwa gukundisha abana Umuco wo gusoma

Yanditswe na Ange Eric Hatangimana 15/09/2018 12:35 15

Burera- Mu gusoza icyumweru cyo gusoma no kwandika kuri uyu wa Gatanu, Umunyamabanga uhoraho muri Minisiteri y’umuco na Siporo; John Ntigengwa, yavuze ko umuco wo gusoma no kwandika, utariyumvwamo n’abanyarwanda, ndetse ko kugira ngo uzashinge imizi bigomba guhera mu bato, aboneraho gusaba inzego zose kugira ubufatanye mu gukundisha abana gusoma no kwandika.

Abayobozi n’ababyeyi barasabwa gukundisha abana Umuco wo gusoma

Ni ubukangurambaga bwatangijwe ku wa 7 Nzeli, ku rwego rw’igihugu bwasorejwe mu karere ka Burera kuri uyu wa 14 Nzeli, umurenge wa Kinoni, mu kagari ka Nkenke, bwari bugamije gukangurira abantu b’ingeri zose [abakiri bato, urbyiruko n’abauze] ngo barusheho kugira umuco mwiza wo gusoma no kwandika nk’imwe mu nkingi z’iterambere rirambye.

John Ntigengwa, yavuze ko abo mu bindi bihugu bahashye ubumenyi mu gusoma ibitabo, ari bo babashije gutera imbere, ari na yo mpamvu ubu mu Rwanda basaba abantu bose kugira Gusoma ibitabo no kwandika kubikunda no kubikundisha abakiri bato.

Ati: “Birazwi ko mu bitabo no mu zindi nyandiko tuhasanga ubumenyi n’amakuru yose dukenera mu buzima bwa buri munsi, icyo ari cyo cyose wakibona, birumvikana ko iyo uwasomye akagira ubumenyi buhagije bumufasha kunoza ibyo akora akagera ku iterambere rirambye twese twifuza, ni muri urwo rwego turimo gushishikariza ababyeyi guha abana umwanya wo gusoma, kubagurira ibitabo no kubaha igihe bakagana amasomero”

Akomeza avuga ko kugira ngo uyu muco ucengezwe mu bato, bisaba ubufatanye bw’impande zose kugira ngo bawiyumvemo ndetse ko n’ababyeyi bajya baganiriza aban babo akamaro ko gusoma, aho bishoboka bakajya bafatanya kugira ngo ‘Bajye baraga ibyo biafite’

Ati: “Gusoma tubisaba cyane cyane abakiri bato, gusa ariko ntabwo twabigeraho tutagize ubufatanye, icyo nshaka kugira ngo twese twumve ni ukugira ubufatanye bw’umuryango kuko niho aba bana bakurira, muri byinshi badukuraho; no gusoma ni ikindi kintu cy’ingenzi mu buzima bwabo bw’ejo h’u Rwanda. Ubundi bukenewe ni ubwo mu mashuri yose, ubuyobozi bw’inzego za leta, abikorera, n’imiryango itari iya leta ndetse turanasaba ngo n’ubuyobozi bw’ibigo by’amashuri bushyire imbaraga muri ubwo bufatanye”

Umubyeyi wo mu murenge wa Kinoni witwa Nsabyimana Léoncie, avuga ko gusoma kw’abana byakagombye kuba mu nshingano z’ababyeyi, aho ngo bagomba kuzajya babaha umwanya wo gusoma nk’igihe baba bavuye mu yindi mirimo kuko ari uburenganzira bwabo.

Ati: “Tubona gusoma ari yo nkingi y’iterambere, gusa nka nyuma y’imirimo ababyeyi twagakwiye kujya tubareka bakajya mu isomero bakunguka ubumenyi, buriya n’igihe ubonye umwana atari kubikunda nk’umubyeyi yakagombye kumwoherezayo yanataha ukamubaza ibyo yasomye, burya abana bakunda gusoma kandi abenshi babikundishwa n’abandi”

Muri iki cyumweru cyari gifite insanganyamatsiko igira iti ‘Soma igitabo ugire icyerekezo’ mu gihugu hose habayemo ubukangurambaga mu gukangurira amashuri gutegurira abanyeshuri ibikorwa byo gusoma no kwandika [nk’amarushanwa] no kwiyungura ubumenyi. Gukangurira amasomero gukora gahunda ziteza imbere umuco wo gusoma, kwandika no kwihugura mu bumenyi mu banyarwanda, no gushishikariza ababyeyi guha abana umwanya wo gusoma, kubagurira ibitabo ndetse no kujya basaba abana babo kugana isomero.

Gusoma ibitao no gushaka ubumenyi kuri za mudasobwa ni ibigiye gutozwa abakiri bato muri Burera

Ababyobozi berekwa mu Isomero rya Sunzu aho abashaka gusoma bazajya bagana

Emile D– USENGE
UM– USEKE.RW

15/09/2018 12:35 15 0 Igitekerezo

Abana Amakuru aheruka Inkuru Nyamukuru Rwanda

Leta yasabwe gushyiraho amabwiriza ya Minisitiri agenga ibihano bihabwa abana

Yanditswe na Ange Eric Hatangimana 05/07/2018 5:49 42

Kuri uyu wa kane Ihuriro ry’imiryango 19 iharanira kwita ku burenganzira bw’abana muri raporo yemejwe izatangwa mu muryango w’Ubumwe bwa Africa, mu nzitizi bagaragaje zikibangamiye uburenganzira bw’abana harimo no kuba bagihanishwa gukubitwa, bityo bagasaba Leta kwihutisha amabwiriza ya Minisitiri agena ibihano bihabwa umwana.

Ruzigana Maximillien umuhuzabikorwa w’iri huriro ry’imiryango 19 yita ku burenganzira bw’umwana

Abanyamuryango b’iri huriro ry’imiryango iharanira uburenganzira bw’umwana mu Rwanda ryitwa ‘Coalition Umwana Ku Isonga’, ubwo basuzumaga raporo izatangwa muri Komisiyo ishinzwe uburenganzira bw’abana mu muryango wa Africa yunze Ubumwe, bagaragaje imbogamizi nyinshi zigihari mu kwita ku burenganzira bw’abana.

Bavuze ko bishimira ko itegeko mu Rwanda ribuza ababyeyi gukubita abana ndetse hakaba n’Itegeko ngenga rya Minisitiri ribuza abayobozi b’ibigo by’amashuri guhanisha abana inkoni, ariko bagasaba ko hajyaho iteka rya Minisitiri rigena ibihano bihabwa abana kubera ko ngo n’ubu abana baracyahanishwa ibihano bibabaza umubiri.

Ruzigana Maximillien umuhuzabikorwa w’iri huriro ry’imiryango 19 yita ku burenganzira bw’umwana, yavuze ko ibihano bibabaza umubiri haba ku bana no ku bantu bakuru bitemewe, bityo ngo ababyeyi n’abantu bakuru bashishikarizwa kwirinda ibyo bihano.

Ati “Umwana n’iyo yaba yakoze amakosa afite guhabwa ibindi bihano ariko bitarimo ibibabaza umubiri, dushishikariza abarezi n’ababyeyi gutanga ibihano bitababaza umubiri kandi tukanifuza ko Leta mu kunganira abarezi n’ababyeyi yashyiraho amabwiriza agena ibihano bishobora guhabwa umwana igihe yakoze amakosa.”

Yavuze ko guhana abana bitazabura bitewe n’uko utarera umwana utamuhana, ariko ngo ababyeyi bagomba kumenya ibihano bagiye guha abana babo niba ari ibituma umwana yitekerezaho akikosora.

Ati “Gukubita umwana bishobora kumuhindura mubi kurenza kuvuga ngo wamuhaye igihano cyo kumugira inama, cyangwa kumuganiriza no kumenya icyabimuteye.”

Ingingo yo guhwitura umwana ukoresheje akanyafu ntikunze kuvugwaho kimwe mu Rwanda, ndetse Umukuru w’Igihugu, Paul Kagame yigeze kwibutsa ababyeyi ko bagomba gukebura abana bananiranye byaba ngombwa bakanakoresha akanyafu.

Kuri iyi ngingo, Sekanyange Jean Leonald Umuyobozi w’ihuriro ry’imiryango itari iya Leta, akaba n’umuvugizi wayo, avuga ko umwana adakwiye kurerwa bajeyi ariko ngo ntabwo akwiye kubabazwa.

Yagize ati “Nka twe bo mu miryango iharanira uburenganzira bw’umwana ntitwavuga ngo umwana ntakajye akeburwa ngo tumurere bajeyi nk’uko bijya bivugwa, umwana agomba gukeburya mu buryo butamubabaza ku mubiri, butagize ikibazo bwamutera mu mitekerereze, kuko kera wasangaga nko mu ishuri huzuyemo inkoni mwalimu ari bukubite abana, uwakerere, usakuje, no mu rugo bikaba uko, ntabwo biriya ari ibyo gushyigikira.”

Undi wari muri iyi nama utashatse ko tuvuga amazina ye yavuze ko umwa na we ari umuntu ashobora kumvishwa ikosa rye, kuko ngo politiki y’abana mu Rwanda no ku isi ibuza gukubita abana.

Yagize ati “Gukubita umwana hari ikintu kiba kirengagijwe, hagomba gutekerezwa mbere yo kumukubita ngo kuki uriya mwana akoze kiriya kintu ku myaka ye, ntekereza ko umwana atekereza, ukwiye kumufasha nk’umubyeyi akumva ko cya kintu akoze ari ikosa ariko utamukubise.”

Avuga ko hari uburyo ababyeyi bakwiye kwigishwa kurera mu buryo bw’amahoro, badahutaza abana kuko ngo politiki ikomatanye y’uburenganzira bw’umwana mu Rwanda ibuza gukubita abana, bityo ngo Leta n’imiryango nterankunga bakwiye kwigisha ababyeyi kare uko barera neza abana.

Iyi raporo yunganira iyo Leta isabwa gutanga ku bijyanye n’ibyakozwe mu kubahiriza amasezerano nyafurika ajyanye n’uburenganzira bw’umwana, imyanzuro itangwamo iba ireba ibyiciro by’uburenganzira bw’umwana ku burezi, ku buzima, kwandikwa mu bitabo by’irangamimerere, kugira ijambo n’ibindi.

Imyanzuro nama (recommendations) batanze zimwe muri zo nizo zihabwa Leta kugira ngo izazishyire mu bikorwa.

Bimwe mu byo basanze bigikenewe ko bishyirwa mu bikorwa kugira ngo uburenganzira bw’umwana bwubahirizwe, harimo koroshya kubona impapuro z’irangamimerere ku bana (attestation de naissance), guha abana ijambo ku myanzuro imwe n’imwe igiye kubafatirwa, gushyira mu miryango abana bafite ubumuga bakiba mu bigo hirya no hino, kongera amafaranga agenda ku mubyeyi utwite n’uwonsa no ku bana muri rusange, gushyira ibikoreso bigenewe abana bafite ubumuga mu mashuri n’ibindi.

Ruzigana Maximillen yavuze ko hakwiye kwihutishwa amabwiriza agenga ibihano umwana agomba guhabwa

Sekanyange Jean Leonald yavuze ko umwana atarerwa bajeyi ariko ko bidakwiye ko ahabwa ibihano bibabaza umubiri

Abanyamurayngo ba Colation Umwana Ku Isonga batangaga ibitekerezo ku byo babona bikwiye kunozwa mu burenganzira bw’umwana

HATANGIMANA Ange Eric
UM– USEKE.RW

05/07/2018 5:49 42 0 Igitekerezo

Abana Amakuru aheruka Mu cyaro

Gicumbi: Abana barasaba ko hafatwa ingamba ku babyeyi babakura mu ishuri

Yanditswe na Ange Eric Hatangimana 21/06/2018 10:50 47

Kuri uyu wa 20/Kamena/2018 Abanyeshuri biga mu murenge wa Muko basobanuye ko bamaze kumenya ingaruka zo kuva mu ishuri, harimo guterwa inda zitateganijwe, kunywa ibiyobyabwenge ndetse no kujye mu zindi ngeso nk’ubujura.

Abana bakinaga umukino ari abashinzwe umutekano bajya gufata ababyeyi bakuye abana mu ishuri

Iradukunda Mireille wiga mu ishuri rya G.S Mwendo yagize ati: “Abana bata ishuri batwara inda zitateganyijwe, abandi bakanywa ibiyobyabwenge, ababyeyi bakura abana mu ishuri ndabagira inama yo kubireka.”

Uyu mwana akangurira bagenzi be gukunda ishuri, kuko umuntu arikuramo ubumenyi, akazavamo umuntu wigirira akamaro.

Ati “Turasaba ubuyobozi guhagurukira ababyeyi bakura abana babo mu ishuri, bugafasha ababyeyi batishoboye kujyana abana kwiga, ndetse n’imfubyi bakazifasha uburyo zijya mu ishuri.”

Umunyamabanga Nshingwabikorwa w’umurenge wa Muko Kayiranga Theobald avuga ko hari intera ishimishije mu gasubiza ku ishuri abana baritaye ku bufatanye n’inzego zose, bakangurira abaturage kumenya inshingano bafite ku bana babyaye.

Ati: “Mu murenge wa Muko dufite ikibazo cy’abana bagiye bava mu ishuri, mu ntangiriro z’uyu mwaka twari dufite abana 213, ubu ngubu bagerageje kugaruka, dufite abana 63 basigaye hanze batarasubira mu ishuri.”

Avuga ko mu bituma abana bata ishuri harimo uburere bwo mu miryango, ababyeyi badafata inshingano zabo, amakimbirane mu ngo cyane ngo ni kimwe mu bya mbere bishobora gutuma abana bava mu ishuri.

Abana biyambaje inzego z’umutekano ngo zibafashe kubera amakimbirane aba iwabo, bagashinja ababyeyi ko batubahiriza uburenganzira bwabo.

Kayiranga Theobald ati “Ubushize twari dufite ingo 93 zibana mu makimbirane, ubu twarabahuje.”

Uyu murenge wifatanije na AEE, umuryango Nyafurika w’ivugabutumwa, ubafasha kugarura abana mu ishuri, kubigisha imyuga yo kudoda no gukora amasabune kugira ngo bikure mu bukene.

Rusanganwa Syliverien umuturage atuye mu kagari ka Gicuregenya mu murenge wa Muko, afite abana 10, akaba atunzwe n’imirimo ya VUP (vision umurenge Program) avuga ko abo yabyaye bwa mbere batabashije kwiga, gusa ngo yarabareze barakura.

Avuga ko ashima ko ubu amashuri yageze kuri bose kandi nta bushobozi buhambaye bisaba kugira ngo umwana yige.

Uyu muturage avuga ko nta mwana azongera kubyara nyuma ya bariya 10, akagira inama ababyeyi kuringaniza imbyaro, nk’imwe mu mpamvu mu zatumye abana be bose batajya mu ishuri.

Tariki ya 20 hizihijwe umunsi w’umwana w’Umunyafurika ku rwego rw’akarere ka Gicumbi, hatangwa ubukangurambaga mu kurwanya inda zitateguwe, kwirinda ibiyobyabwenge, no gusubiza abana mu ishuri.

Umwe yakinaga ari umuyobozi abandi ari abashinzwe umutekano bahangayikishijwe n’abakura abana mu ishuri

Ababyeyi bakozwe ku mutima n’ibyo abana bavugaga mu mukino wabo

Abayobozi bavuga ko mu bituma abana bata ishuri harimo amakimbirane mu miryango

EVENCE NGIRABATWARE
UM– USEKE.RW GICUMBI

21/06/2018 10:50 47 0 Igitekerezo

Abana Amakuru aheruka Andi makuru Mu cyaro

Guhana umwana si ngombwa kumukubita ngo umubabaze

Yanditswe na Ange Eric Hatangimana 15/06/2018 12:22 34

Kirehe – Abagize inzego z’Uburezi, Inshuti z’umuryango, ababyeyi, abana, n’Ubuyobozi mu Karere ka Kirehe kuri uyu wa 14 Kamena, bahuriye hamwe baganira ku kibazo k’ibihano bihabwa abana, n’ibindi bitesha abana agaciro birimo kubatuka, no kubakubita.

Hifashishijwe amwe mu mashusho agaragaza uburyo abana bahanwa nabi

Hagaragajwe ko ibi bihano bikwiye kurwanywa, kugira ngo hirindwe ingaruka mbi bigira ku bana birimo ubuzererezi, uburara, guta ishuri n’ibindi.

Ubuyobozi bw’Umuryango Children’s Voice Today, uharanira iyubahirizwa ry’uburenganzira bw’umwana, n’Umwana abigizemo uruhare, buvuga ko guhana umwana mu buryo bwiza ari ukubinyuza mu buryo bw’ikiganiro; ibihano byo gukubita abana bigahagarara.

Mu Rwanda abana bari munsi y’imyaka 15 bihariye 42% by’abaturage. Abana biganjemo abiga mu mashuri abanza n’ayisumbuye bari bitabiriye ibi biganiro bagaragaza ko ibihano nk’ibi byacika kuko bibabangamira.

Abana bavuga ko hari igihe umwana asakuza mu ishuri bakamupfukamisha ku dupfundikizo tw’amacupa y’inzoga, kubamanikisha amaguru ku nzu n’ibindi.

Rutwaza Anaclet uyobora ikigo cy’amashuri cya Rwesero giherereye mu murenge wa Kirehe ahamya ko hari igihe ku ishuri batanga ibihano bikomeye ariko ngo bigiye guhinduka.

Ati “Umwana tugomba kuzajya tumuhanisha amagambo ukamwereka ikosa yakoze n’ingaruka byamugiraho mu mibereho ye byakwanga ugahamagara umubyeyi we mugafatanya.”

Nsengumuremyi Omar Tony umuyobozi w’umuryango Children’s Voice today avuga ko guhana umwana atari ukumukubita ngo kuko ari kimwe mu byatumye abana bajya mu mihanda bagahunga ingo zabo.

Ati “Abana benshi bari mu mihanda ni ukubera guhunga inkoni cyo kimwe n’abataye ishuri. Bagomba kumva ko guhana umwana atari ngombwa kumukubita.”

Ibi biganiro byari bigamije kuvuga ku bihano bigomba guhabwa abana byateguwe ku bufatanye bw’akarere ka Kirehe n’imiryango itari iya Leta, Children’s Voice today na Save the children ku nkunga y’igihugu cya Sweden bikaba bibaye mu gihe habura umunsi umwe ngo hizihizwe umunsi w’umwana w’Umunyafurika.

Abana bagize uruhare mu kugaragaza ibihano bibabangamira iyo babihawe

Bamwe mu bana bahagarariye abandi mu mirenge bitabiriye ibi biganiro

Elia BYUK– USENGE
UM– USEKE.RW

15/06/2018 12:22 34 0 Igitekerezo