Minisiteri y’Ubuzima muri Repubulika Iharanira Demokarasi ya Congo yatangaje ko abantu bamaze kwandura icyorezo cya Ebola cyo mu bwoko bwa Bundibugyo kugeza ku wa 21 Nyakanga 2026 bageze ku 2536, mu gihe 1033 bishwe nacyo. Mu munsi umwe gusa abonetse abantu bashya 63 banduye iki cyorezo, 37 barapfa.
Mu itangazo iyi Minisiteri yashyize hanze yavuze Ebola yabonetse mu Ntara eshanu zirimo; Ituri, Kivu y’Amajyepfo, Kivu y’Amajyaruguru, Haut-Uélé n’Intara ya Tshopo. Ituri ikaza ku isonga n’abanduye bangana na 88.6%. Mu ntara za Kivu zombi ubwandu bugenda bugabanuka aho muri Kivu y’Amajyepfo amezi agiye kuba abiri nta bwandu bushya.
Abantu 738 bari mu bitaro aho bitabwaho n’abaganga. Inzego z’ubuzima muri Congo zivuga ko ubu zibasha gukurikirana 77.2%% by’aho bacyeka Ebola cyangwa abo bakeka ko bahuye n’abanduye Ebola.
Ebola iri muri Repubulika ubu ni ikibazo gihangayikishije Isi nk’uko Ishami ry’Umuryango w’Abibumbye ryita ku Buzima (OMS) ryabyemeje.
Nta muti cyangwa urukiko biremezwa ko bivura iyi virusi yo mu bwoko bwa Bundibugyo imaze amezi abiri yica benshi muri Congo.
Ishami ry’Umuryango w’Abibumbye ryita ku Buzima (OMS) riherutse gutangaza ko ryatangije igeragezwa rya mbere ry’umuti wica virusi hagamijwe kureba niba ushobora kurinda abantu kwandura iyi virusi yo mu bwoko bwa Bundibugyo.
MUGIRANEZA THIERRY/ UMUSEKE.RW
