Mu gihe u Rwanda rukiri mu minsi 100 yo Kwibuka ku nshuro ya 32 Jenoside yakorewe Abatutsi 1994, Abayobozi n’abakozi ba Garden of Eden Produce, basuye Urwibutso rwa Jenoside rwa Kigali ruri ku Gisozi bunamira Abatutsi barenga ibihumbi 250 bahashyinguye.
Ku mugoroba wo kuri uyu wa Kabiri tariki 14 Mata 2026, ni bwo abayobozi n’abakozi Garden of Eden Produce basuye Urwibutso rwa Jenoside rwa Kigali ku Gisozi.
Ab bakozi bakihagera, basobanuriwe Amateka ya Jenoside yakorewe Abatutsi kuva ku itegurwa, ishyirwa mu bikorwa n’ihagarikwa ryayo ndetse n’urugendo rwo kwiyubaka kw’Abanyarwanda.
Umuyobozi wa Garden of Eden Produce, Uwuzuyinema Frank, yagaragaje ko yagaragaje ko kuba abo bakorana biganjemo urubyiruko, gusura Urwibutso rwa Jenoside bituma rwigira ku kuri kw’Amateka n’uburyo bwo kubaka Igihugu.
Bimwe mu byo Ikompanyi ya Garden of Eden Produce ikora, harimo ubuhinzi bw’imboga n’ubucuruzi bw’imbuto zihariye zidasazwe ziboneka mu Rwanda.
Icyicaro cyayo giherereye mu Karere ka Gasabo, Umurenge wa Jabana, Akagali ka Kidashya, umudugudu wa Mubuga.
Bafite imirima Turere tune turimo mu Akarere ka Rwamaga, Rulindo, Ngoma na Musanze.
Urwibutso rwa Kigali ruherereye ku Gisozi, rushyinguyemo imibiri y’Abatutsi ingana n’ibihumbi 250.
Iminsi 100 yo Kwibuka Jenoside ku nshuro ya […] yakorewe Abatutsi muri Mata 1994, itangira tariki ya 7 Mata ikarangira ku wa 4 Nyakanga buri mwaka.
UMUSEKE.RW
