Mu gihe habura amasaha make ngo hatangire irushanwa rishya rya Volleyball ‘Climate Action Volleyball Tournament 2026’ ryateguwe n’Ishyirahamwe ry’Umukino wa Volleyball mu Rwanda [FRVB] rifatanyije n’Ikigo cy’Igihugu gishinzwe Kurengera Ibidukikije [REMA], habayemo impinduka ku makipe yatangaje ko atakirikinnye.
Mu cyiciro cy’abagabo, habayemo impinduka havamo Kepler VC mu gihe mu Bagore havuyemo APR WVC na Kepler WVC.
Amakipe atandatu agomba gukina iri rushanwa rigamije gukora ubukangurambaga mu guhangana n’ihindagurika ry’ikirere, ni Gisagara VC, REG VC na Police VC mu Bagabo mu gihe mu Bagore ari RRA WVC, IPRC Huye WVC na Police WVC.
Ubusanzwe ryagombaga guhuza amakipe ane yabaye aya mbere muri Shampiyona y’uyu mwaka.
Biteganyijwe ko ritangira uyu munsi rizasozwa ejo ku wa 30 Gicurasi 2026 mu Karere ka Gisagara.
UMUSEKE.RW
