Nyuma yo gukina na Ethiopia umukino ubanza w’ijonjora rya kabiri mu gushaka itike y’Imikino Olempike 2028 izabera muri Leta Zunze Ubumwe za Amerika, Mukagatete Emeline ‘Luvumbu’, yasubiye mu ikipe ye ya EM Feminas Soliss Fuesalida yo muri Espagne.
Luvumvu yafashe indege mu ijoro ryo ku wa 8 Ukwakira 2026, imusubiza mu kipe ye ku Mugabane w’i Burayi.
Ibi byaje nyuma y’uko y’umukino uyu rutahizamu wa She-Amavubi, yakiniye ikipe y’Igihugu mu gushaka itike y’Imikino Olempike 2028.
Ikipe ye ya EM Feminas Soliss Fuesalida yo muri Espagne, yahise imumenyesha ko imukeneye mbere y’uko ajyana n’ikipe y’Igihugu muri Ethiopia gukina umukino wo kwishyura nyuma yo gutsindirwa i Kigali igitego 1-0.
Mukagatete ari mu bakinnyi bakina mu busatirizi baciye ku ruhande, ariko ni umwe mu bashobora no kwifashishwa hagati nk’umukinnyi ujyana imipira imbere.
Mbere yo kuva muri Shampiyona y’u Rwanda, Luvumbu yakiniraga Rayon Sports WFC ndetse yayifashije kwegukana ibikombe bitandukanye birimo icya Shampiyona n’icy’Amahoro.
UMUSEKE.RW
