Urwego rw’Igihugu rw’Ubugenzacyaha (RIB) rutangaza ko rwataye muri yombi Umunyezamu wa Rayon Sports n’Ikipe y’Igihugu, Amavubi, Kwizera Olivier rumukurikiranyeho gukoresha ibiyobyabwenge.
Inkuru y’itabwa muri yombi ry’uyu mukinnyi yatangiye gusakara ku mugoroba wo kuri uyu wa Gatanu tariki ya 04 Kamena 2021.
Iyi nkuru yemejwe na RIB ubwo yasubizaga Umunyamakuru Mutuyeyezu Owald wabajije kuri Twitter niba koko iyi nkuru ari impamo.
Mu kumusubiza RIB yagize iti “Mwiriwe neza @oswaki, ni byo koko Kwizera Olivier yafunzwe, akaba akurikiranyweho gukoresha ibiyobyabwenge. Murakoze.’’
Amakuru ahari ni uko uyu munyezamu yafatiwe mu cyuho mu Murenge wa Kimisagara ho mu Karere ka Nyarugenge ari kumwe n’inshuti ze banywa urumogi.
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
Dieudonne NSHIMIYIMANA /UMUSEKE.RW