Icyorezo cya Coronavirus muri iyi minsi cyafashe intera, kuri uyu wa Kabiri Ministeri y’Ubuzima yatangaje ko abantu 12 bishwe na Covid-19 ni undi mubare w’abantu benshi iki cyorezo gihitanye umunsi umwe.
Abapfuye ni abagore bane b’imyaka 80 (Rutsiro), 77, 76 (Kigali) 69 (Ruhango) n’abagabo umunani b’imyaka 91 (Gakenke), 88, 83 (Rutsiro), 82 (Karongi), 77, 66, 51 (Kigali) na 63 (Bugesera).
Nibura abantu 491 bamaze kwicwa na Covid-19 kuva igeze ku butaka bw’u Rwanda.
Abanduye bashya ku munsi umwe ni 883. Abamaze kwandura bose hamwe ni 44 279 barimo 28 391 bavuwe barakira barimo 554 bakize mu masaha 24 ashize.
Abantu 251,963 bamaze guhabwa doze ya kabiri y’urukingo rwa COVID19 (AstraZeneca) barimo 244 bayihawe uyu munsi ku wa Kabiri. Muri rusange abantu 392 003 ni bo bamaze gukingirwa.
Uko ubwandu bushya bwagiye bugaragara mu Turere
- Advertisement -
UMUSEKE.RW