Igisirikare cya Africa y’Epfo cyemeje ko abasirikare babiri biciwe mu gitero abandi 20 barakomereka.
Itangazo ry’igisirikare cya Africa y’Epfo rivuga ko ku wa Kabiri tariki 25 Kamena, 2024 abasirikare ba Africa y’Epfo bari mu bikorwa byo gufatanya n’ingabo za Congo Kinshasa ku rugamba baguye mu gitero cya mortier.
Africa y’Epfo ishinja inyeshyamba za M23 kurasa ku birindiro by’ingabo zayo i Sake hagapfa abasirikare babiri abandi 20 bagakomereka.
Mu bakomeretse bane bararembye abandi ngo bakomeretse byoroheje kubera ibishashi by’umuriro byabaguyeho.
Ingabo za Africa y’Epfo, iza Tanzania, na Malawi zimaze amezi arenga 8 ziri mu burasirazuba bwa Congo mu butumwa bwiswe Samidrc aho zihanganye ku rugamba n’inyeshyamba za M23.
Mu bihe bitandukanye inyeshyamba za M23 zagiye zibatega ibico, cyangwa zikabarasaho hagapfa abatandukanye.
UMUSEKE.RW