Ibiciro by’ibikomoka kuri Peteroli mu Rwanda byongeye kugabanuka nkuko byatangajwe n’Urwego rw’Igihugu Rushinzwe Kugenzura Imikorere y’Inzego zimwe na zimwe z’imirimo ifitiye igihugu akamaro,RURA .
Itangazo ry’ Uru rwego ryo kuri uyu wa Kabiri, rigaragaza ko litiro ya lisansi izajya igura 1,574Frw ivuye kuri 1,629Frw mu gihe litiro ya mazutu ari 1,576Frw ivuye ku 1,652Frw.
Muri iri tangazo rya RURA rivuga ko ibi biciro bigomba gutangira kubahirizwa guhera kuri uyu wa kabiri tariki ya 8 Ukwakira 2024, saa moya z’umugoroba.
RURA yasobanuye ko ihindagurika ry’ibiciro rishingiye ahanini ku ihindagurika ry’ibiciro by’ibikomoka kuri Peteroli rikomeje kugaragara ku isoko mpuzamahanga.
Ibi biciro bikazagenderwaho mu gihe cy’amezi abiri ari imbere, bivuze ko aribwo bizongera kuvugururwa.
UMUSEKE.RW