Ibihugu biri mu bihagarariye Umugabane wa Afurika, Misiri na Cape-Vert, zatangiye zibona inota mu mukino wazo wa mbere w’Igikombe cy’Isi 2026 kiri kubera muri Leta Zunze Ubumwe za Amerika, Mexique na Canada.
Ku wa mbere, tariki ya 15 Kamena 2026, hakomeje irushanwa ry’Igikombe cy’Isi 2026, aho hakinnye Ibihugu bibiri mu bihagarariye Umugabane wa Afurika.
Umukino wo mu itsinda G wahuje Misiri, warangiye inganyije n’u Bubiligi igitego 1-1.
Abanya-Misiri batsindiwe na Emam Ashour wafunguye amazamu ku munota wa 20 ku mupira yari ahawe na Mo Salah, mu gihe igitego cy’Ababiligi cyabonetse ari umukinnyi wa Misiri witsinze [Mohamed Hany] ku munota wa 68.
Ikipe y’Igihugu ya Misiri, yakomeje kugerageza gushaka ikindi gitego biciye ku barimo Mohamed Salah, Omar Marmoush ariko Ababiligi bakomeza kuba beza mu bwugarizi.
Iminota 90 yaje kurangira amakipe yombi agabanye amanota, bituma Les Phalaohs batangirana inota.
Indi kipe iri mu zihagarariye Umugabane wa Afurika yabonye inota rikomeye, ni Cape-Vert yanganyije na Espagne 0-0 mu mukino wo mu itsinda H, nyuma y’uko umunyezamu wabo, Vozinha yahembwe nk’umukinnyi witwaye neza ku mukino bitewe n’imipira ikomeye yagiye akuramo yashoboraga kuvamo ibitego.
Indi mikino yabaye:
Itsinda H: Arabie Saoudité 1-1 Urguay
Itsinda G: Iran 1-1 Nouvelle-Zélande
UMUSEKE.RW
