Urwego rushinzwe gutegura Shampiyona y’u Rwanda y’Icyiciro cya mbere (Rwanda Premier League), rwahuguye abazaba ari abahuzabikorwa (Matches Coordinators) muri uyu mwaka w’imikino 2026-27.
Ni amahugurwa yabaye kuwa Gatatu, tariki ya 2 Nzeri 2026, abera ku Biro bya Rwanda Premier League.
Ni amahugurwa yafunguwe ku mugaragaro n’Umuyobozi Mukuru wa Rwanda Premier League akaba na General Coordinator wa CAF na FIFA, Jules Karangwa.
Abagera kuri 18 barimo bamwe mu bakozi ba FERWAFA, abanyamakuru b’imikino mu Rwanda, abahoze bakina ruhago nk’ababigize umwuga mu Rwanda, bamwe mu bayobozi b’amakipe n’abandi, ni bo bitabiriye aya mahugurwa.
Jules yaberetse uburyo umukino utegurwa guhera utangiye kugeza urangiye ndetse n’ibyo kwitondera mu rwego rwo kwirinda icyawuhungabanya.
Aba bahuguwe, biteganyijwe ko bazayobora imikino 306 ya BK Pro League ya 2026-27 iteganyijwe gutangira mu mpera z’iki Cyumweru.
UMUSEKE.RW
