Uwabaye Perezida w’Ishyirahamwe ry’Umupira w’Amaguru mu Rwanda [FERWAFA], Nizeyimana Olivier, yagaragaje ko yashimishijwe n’intsinzi u Rwanda rwakuye kuri Cap-Vert mu rugendo rwo gushaka itike y’Igikombe cya Afurika 2027.
Ku wa 29 Nzeri 2026, ni bwo Amavubi yatsinze Cap-Vert ibitego 2-1 mu mukino wabereye i Praia muri iki gihugu. Ni mu rugendo rwo gushaka itike y’Igikombe cya Afurika 2027.
Iyi ntsinzi y’u Rwanda, yabonetse biciye ku bitego bya Niyomugabo Claude na Iradukunda Elie Tatou wagiye mu kibuga asimbuye Mugisha Gilbert. Amavubi yahise agira amanota atandatu anganya na Mali muri iri tsinda K.
Abicishije ku rukuta rwe rwa X, Nizeyimana Olivier wayoboye FERWAFA mu 2023, akaza kwegura ku mpamvu ze bwite, yagaragaje ko yashimishijwe n’intsinzi y’Amavubi.
Olivier yifashishije utumenyetso dusanzwe twifashishwa n’abakoresha imbuga nkoranyambaga [emoji], yagaragaje ko ari mu bishimiye iyi ntsinzi ya kabiri y’u Rwanda mu rugendo rwo gushaka itike y’Igikombe cya Afurika 2027.
Nizeyimana yatowe mu 2021 asimbuye Rtd Brig Gen Sekamana Damascène nawe wari weguye kuri izi nshingano ku mpamvu ze bwite.
UMUSEKE.RW
