Ubuyobozi bwa Al-Hilal SC yo muri Sudani, bwatangaje ko Josef Zinnbauer ukomoka mu Budage, ari we mutoza mukuru wayo.
Uyu mutoza w’imyaka 56, yasinye amasezerano y’imyaka ibiri atoza iyi kipe igiye gukina umwaka wa Kabiri muri Shampiyona y’u Rwanda (BK Pro League).
Josef Zinnbauer ni izina rinini rifite uburambe buhagije kuko yabanje gutoza iwabo mu makipe atandukanye.
Muri Afurika, yatoje izirimo Orlando Pirates FC yo muri Afurika y’Epfo, Raja CA yo muri Maroc, Al-Wehda FC yo muri Arabie Saoudité ndetse na JS Kabylie yo muri Algérie yatoje mu mwaka ushize w’imikino 2025-26.
Uyu Mudage yasimbuye Laurențiu Reghecampf wagiye gutoza Espérance Sportive de Tunis yo muri Tunisie.
UMUSEKE.RW
