Umubare w’abapfuye mu gace ka Sirik muri Iran wakomeje kwiyongera ugeze ku bantu bane, harimo n’umwana.
Abantu bane, barimo n’umwana, byemejwe ko bahitanywe n’igitero cya Amerika cyagabwe ku nzu iri hafi y’umujyi wa Sirik muri Iran, nk’uko ibiro ntaramakuru Fars muri Iran bibivuga.
Iki gitero, itangazamakuru rya Irani ryatangaje ko cyabaye ahantu haberaga ubukwe, cyakomerekeje abantu barenga 50, nk’uko bivugwa n’ishami rya Croix Rouge muri ako gace, rivuga ko ibikorwa byo gutabara bikomeje.
Amerika ivuga ko yarangije ibitero byayo kuri Iran. Ubuyobozi bukuru bw’ingabo za America muri Aziya (CENTCOM) bwavuze ko ingabo zagabye igitero ku nyubako z’ingabo ziharanira impinduramatwara ya kisilamu muri Iran, no ku bikorwa remezo birimo ubwirinzi bw’ ikirere, radar, ibikoresho byo mu mazi, ndetse nibifasha Iran gushyira ibisasu bya mine mu mazi n’ahantu hari itumanaho.
CENTCOM yavuze ko ibitero bishya kuri Iran ari igisubizo ku “bitero iherutse kugerageza kugaba ku bwato bw’ubucuruzi mu muhora wa Hormuz, no ku bigo bya gisirikare by’Abanyamerika hirya no hino mu Karere.
Idatindijemo, Iran yahise igaba ibitero ivuga ko bikomeye ku bigo bya gisirikare bya America muri Jordan no muri Iraq.
UMUSEKE.RW
