Repubulika Iharanira Demokarasi ya Congo yakiriye icyiciro cya mbere cy’inkingo zo mu bwoko bwa Ervebo zije gufasha iki Gihugu guhangana n’icyorezo cya Ebola kimaze kwica abantu barenga 2500 mu barenga 5000 bacyanduye.
Iciyiciro cya mbere cyari kigizwe n’inkingo 16,520 mu nkingo 50,120 iki Gihugu kizakira zageze ku Kibuga cy’Indege Mpuzamahanga cya N’Djili i Kinshasa ku wa Gatanu tariki ya 21 Kanama 2026.
Izi nkingo zakorewe mu Budage zanyujijwe mu Busuwisi, Luxembourg n’u Bubiligi mbere yo kugezwa i Kinshasa.
Ebola yo mu bwoko bwa Bundibugyo ikomeje kuzahaza Repubulika Iharanira Demokarasi ya Congo kuva muri Gicurasi 2026, nta rukingo cyangwa umuti ifite.
Ishami ry’Umuryango w’Abibumbye ryita ku Buzima (OMS) ryatangaje ko izi nkingo zo mu bwoko bwa Ervebo zakwifashishwa mu guhangana n’iyi Ebola hashingiwe ko zari zarigeze kwifashishwa mu guhangana na Ebola yo mu bwoko bwa Zaire yishe abarenga 11,000 mu Burengerazuba bwa Afurika hagati ya 2013 na 2016.
MUGIRANEZA THIERRY/ UMUSEKE.RW
