Mu gihe hakinwaga imikino y’umunsi wa mbere w’imikino Nyafurika y’Amashuri (African Schools Football Championship) mu Karere ka CECAFA, Uganda yatangiye neza.
Iyi mikino iri kubera i Kigali, yatangiye kuwa Kane, tariki ya 3 Nzeri 2026 ku bibuga bitandukanye.
Hari amakipe yakiniye kuri Kigali Pelé Stadium mu gihe hari andi yakiniye ku kibuga cya FERWAFA giherereye i Remera.
Mu itsinda A ry’abahungu, u Rwanda rwatangiye runyagira Sudani ibitego 6-0 mu gihe Tanzania yo yatsinze Kenya ibitego 4-0.
Indi mikino yabaye muri iri tsinda, yarangiye u Rwanda runganyije na Tanzania 0-0 mu gihe na Kenya yaguye miswi na Sudani bikanganya 0-0.
Mu itsinda B mu Cyiciro cy’abahungu, Somalia yatangiye itsinda u Burundi ibitego 2-1, Uganda itsinda Sudani y’Epfo igitego 1-0 mu gihe abanya-Uganda bongeye gutsinda u Burundi ibitego 3-0.
Mu cyiciro cy’abakobwa, habaye imikino ine mu itsinda A mu gihe mu itsinda B habaye imikino itatu.
Mu itsinda A, Sudani y’Epfo yatsinze u Burundi igitego 1-0, Uganda itsinda u Rwanda igitego 1-0, u Rwanda rugaruka rutsinda Sudani y’Epfo igitego 1-0 mu Uganda yongeye igatsinda u Burundi ibitego 3-0.
Mu itsinda B, Somalia yatsinze Sudani ibitego 5-0, Tanzania inganya na Kenya 0-0 mu gihe Tanzania yagarutse inyagira Somalia ibitego 5-0.
Imikino y’umunsi wa kabiri y’iri rushanwa, iri gukinwa guhera mu gitondo cyo kuri uyu wa Gatanu.
UMUSEKE.RW
