Rutahizamu w’ikipe y’Igihugu, Amavubi, Joy-Lance Mickels, yatsindiye ikipe ye ya Sabah Baku igitego cyayihesheje igikombe cy’Igihugu muri Azerbaijan nyuma yo gutsinda Zira FK ibitego 2-1.
Umukino wa nyuma w’Igikombe cy’Igihugu muri Azerbaijan wahuje amakipe abiri akinamo Abanyarwanda batatu bahamagarwa mu ikipe y’Igihugu, Amavubi.
Imwe yari Sabah Baku ikinamo Joy-Lance Mickels na Zira FK ikinamo Ange Mutsinzi na Jacques Mickels.
Uyu mukino wabaye ku wa Gatatu, tariki ya 13 Gicurasi 2026 ugatangira Saa Kumi n’Ebyiri z’Umugoroba, warangiye Sabah Baku ari yo yegukanye igikombe nyuma y’intsinzi y’ibitego 2-1.
Joy-Lance Mickels ukina mu busatirizi bwa Sabah, niwe watsindiye ikipe ye igitego cyayihesheje iki gikombe.
Ni igikombe cya kabiri iyi kipe yegukanye muri uyu mwaka nyuma yo kwegukana icya Shampiyona.
UMUSEKE.RW
