Mukagatete Emelyne uzwi nka ‘Luvumbu’ wakiniraga Rayon Sports WFC, yerekeje muri Espagne ku Mugabane w’i Burayi aho agiye gukomereza umwuga wo gukina ruhago.
Mu ijoro ryo kuwa 24 Kanama 2026, ni bwo Mukagatete ukina mu gice cy’ubusatirizi, yafashe indege imwerekeza mu Gihugu cya Espagne.
Nta makuru menshi ikipe avuyemo iratangaza kuri uru rugendo rw’uyu mukinnyi ariko bivugwa ko yerekeje mu ikipe yitwa Club CDEM Feminas Fuensalida.
Emelyne yari agifite amasezerano y’umwaka umwe muri Rayon Sports WFC yari iherutse kumwongera mu bari gukina CAF Women’s Champions League CECAFA Qualifiers 2026 ariko nta mukino n’umwe yigeze ayikinira.
Yaje muri Murera avuye muri Muhazi WFC nayo yari yagiyemo avuye muri APR WFC.
UMUSEKE.RW
