Nyuma yo kuyikinira imikino ya CAF Women’s Champions League CECAFA Qualifiers 2026 iheruka kubera i Kigali, FC Ujeco yo muri Djibouti yashimye abakinnyi babiri ndetse ihita ibambukana.
Aba bakinnyi iyi kipe yashimye ni Mutuyemariya Florentine ‘Kalaba’ ukina hagati mu kibuga na Iradukunda Brillante ukina mu busatirizi.
Aba bombi bakiniraga AS Kigali WFC, ndetse bakaba bari muri batanu bakiniye FC Ujeco muri CECAFA iheruka kubera mu Rwanda.
Nyuma y’iri rushanwa, Ubuyobozi bw’iyi kipe bwahisemo kugumana aba bombi ndetse bahita bajyana nayo muri Djibouti.
Abandi Banyarwandakazi bakiniye FC Ujeco muri iri rushanwa, ni Uwineza Djazira, Mukandayisenga Nadine na Ingabire Aline.
UMUSEKE.RW
