Umugabo wo mu karere ka Rwamagana usanzwe woza ibinyabiziga , yakoze impanuka ubwo yasabaga ngo arye umunyenga, akaza kugongana n’indi moto ahetse mugenzi we, ahita yitaba Imana hamwe n’uwo agonze.
Ibi byabaye kuri iki Cyumweru tariki ya 6 Nzeri 2026 mu Mudugudu wa Murenge mu Kagari ka Cyabajwa mu Murenge wa Kabarondo mu Karere ka Kayonza.
Amakuru UMUSEKE wahawe n’Umuvugizi wa Polisi mu Ntara y’Iburasirazuba, , SSP Hamduni Twizeyimana, avuga ko uyu yasabye uwari waje kogesha Moto ngo arye umunyenga, birangira akoze impanuka, aho yagonze indi moto.
Umuvugizi wa Polisi y’u Rwanda mu Ntara y’Iburasirazuba, yatangaje ko ko iyi mpanuka yaturutse ku munamba watwaye ikinyabiziga adafite uruhushya kandi akagendera ku muvuduko.
SSP Hamduni Twizeyimana avuga ko uwo yakoresheje umuvuduko ukabije, akanyura mu muhanda ujya Rwinkwavu, ahuriramo n’indi moto baragongana.
SSP Twizeyimana yasabye abatwara ibinyabiziga kwirinda icyateza impanuka no gutanga imfunguzo z’imodoka ku banamba n’abandi bantu baba badafite impushya zo gutwara ibinyabiziga.
Yavuze ko “urufunguzo rukwiriye guhabwa uyobora ikinamba kugira ngo ingaruka ziri bube abe ari we uzirengera.”
Umurambo wa Nyakwigendera wajyanywe ku bitaro bya Rwinkwavu. Ni mu gihe muri ibyo Bitaro harwariye abaturage babiri bakomerekeye muri iyi mpanuka.
UMUSEKE.RW
