Sosiyete Nyarwanda y’Ubwikorezi bwo mu Kirere, RwandAir, yatangaje ko igiye guhagarika ingendo ziva n’izijya mu Mujyi wa Cape Town muri Afurika y’Epfo.
Ni icyemezo cyatangajwe kuri uyu wa Kabiri, tariki 17 Nzeri 2024, ariko kizatangira gushyirwa mu bikorwa ku wa 27 Ukwakira 2024.
Itangazo ryashyizwe hanze na RwandAir ntiryasobanuye impamvu z’iki cyemezo ariko abagenzi bafite tike za nyuma y’iyi tariki basabwe kwegera iyi sosiyete kugira ngo bafashwe.
Mu 2018 ni bwo RwandAir yari yatangije ingendo zigana mu Mujyi wa Cape Town muri Afurika y’Epfo, ariko indege yabanje kunyura i Harare muri Zimbabwe, ifata cyangwa isiga abagenzi.
ki cyemezo gifashwe nyuma y’iminsi mike RwandAir ihagaritse ingendo yakoreraga mu Mujyi wa Mumbai mu Buhinde.
Gusa muri 2021 nabwo ingendo RwandAir ikorera muri iki gihugu zari zahagaze kubera ubukana bwa Covid-19 bwari bwongeye kubura umutwe.
UMUSEKE.RW
- Advertisement -