Ikipe y’Abangavu batarengeje imyaka 20 ya APR WFC, yegukanye igikombe cya Shampiyona y’Abatarengeje iyo myaka (Rwanda U20 Elite Premier Legue 2026) nyuma yo kunyagira Center for Champions y’i Burasirazuba.
Kuri iki Cyumweru, tariki ya 12 Nyakanga 2026, ni bwo hasojwe Shampiyona y’Abangavu n’ingimbi batarengeje imyaka 20.
Abangavu b’ikipe y’Ingabo, batangiye neza ndetse bayobora iminota 45 y’igice cya Mbere n’ibitego 4-0.
Uko basoje igice cya Mbere, ni na ko batangiye icya Kabiri.
Mu minota 45 y’igice cya Kabiri, Abangavu ba APR WFC batarengeje imyaka 20, bagarukanye imbaraga ndetse bayitsindamo ibitego bitatu, umukino urangira begukanye igikombe ku ntsinzi y’ibitego 7-0.
Center for Champions n’ubwo yatsinzwe mu batarengeje imyaka 20, yo yacyegukanye my bangavu batarengeje imyaka 17 (Rwanda Rising Stars Championship U17) nyuma yo gutsinda ES Mutunda igitego 1-0.
Ni umwaka wa Gatatu hakinwa Shampiyona y’abato batarengeje imyaka 20 mu byiciro byombi.
UMUSEKE.RW
